वाग्मती प्रदेशमा ट्राफिक राजश्व बढ्यो : दुर्घटना घट्यो

 साउन २, २०७८ शनिबार ११:२७:१ | राधेश्याम खतिवडा
unn.prixa.net

चितवन - वाग्मती प्रदेशमा एक वर्षको अवधिमा ट्राफिकको राजश्व १ सय २५ प्रतिशतले वृद्धि भएको छ भने दुर्घटनामा ४० प्रतिशत कमी आएको छ ।  चितवनको रामनगरमा रहेको वाग्मती प्रदेश ट्राफिक प्रहरी कार्यालयले दिएको जानकारी अनुसार आर्थिक वर्ष ७७/७८ मा सवारी नियम उल्लङ्घन गर्ने २ लाख ५८ हजार ९ सय ७२ गाडीलाई  कारबाही गरी २४ करोड ७४ लाख ४१ हजार ५ सय रुपैयाँ  जरिबाना गरिएको हो ।

आ.व ०७६/७७ मा सवारी नियम उल्लङ्घन गर्ने १ लाख ५१ हजार १ सय २१ वटा गाडीलाई कारबाही गरी १० करोड ९८ लाख ६ हजार ५ सय रुपैयाँ राजश्व सङ्कलन भएको थियो । वाग्मती प्रदेश ट्राफिक प्रहरी कार्यालयबाट आन्तरिक शुद्धीकरणअन्तर्गत आचरण विपरीत कार्य गर्ने १५ जना प्रहरी कर्मचारीलाई विभागीय कारबाही गरिएको र असल कार्य गर्ने ५८ जना प्रहरी कर्मचारीलाई पुरस्कृत गरिएको जनाएको छ ।

 वाग्मती प्रदेशमा गएको वर्षभन्दा दुर्घटनामा वृद्धि भए पनि मानवीय क्षतिमा भने २०.५९ प्रतिशतले कमी आएको वाग्मती प्रदेश ट्राफिक प्रहरी कार्यालय रामनगरले जनाएको छ ।

अन्तिम अपडेट: भदौ २१, २०७८

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका अध्यक्ष हुनुहुन्छ । 

तपाईको प्रतिक्रिया