लुम्बिनी प्रदेशका मुख्यमन्त्री पोखरेलले राजीनामा दिने सम्भावना

साउन २७, २०७८ बुधबार ११:२८:५६ | भवानीप्रसाद पाण्डे

रुपन्देही – लुम्बिनी प्रदेशका मुख्यमन्त्री पोखरेलले राजीनामा दिने सम्भावना देखिएकाे छ । लुम्बिनी प्रदेशमा अविश्वासको प्रस्तावको सामना गर्ने वा राजीनामा दिने भन्ने विषयमा निर्णय गर्न मुख्यमन्त्री पोखरेललाई एमाले संसदीय दलले अधिकार दिएको छ ।

प्रदेशदेखि केन्द्रमा नेतृत्व गर्ने एमालेका केही नेताहरुले अविश्वासको प्रस्तावको सामना गर्नुभन्दा राजीनामा दिएर नयाँ सरकार गठनको ढोका खोलिदिन सुझाव दिएका छन् । एमाले नेताको सुझाव र सत्तारुढ दल एमाले प्रदेश सभामा स्पष्ट अल्पमतमा रहेकाले विशेष अधिवेशन सुरु हुने दिउँसो १ बजे अगाडि नै मुख्यमन्त्री पोखरेलले राजीनामा दिने सम्भावना बलियो छ ।

एमालेको विश्वस्त श्रोतले मुख्यमन्त्रीले प्रदेश प्रमुख अमिक शेरचन समक्ष राजीनामा दिने तयारी गरेको पुष्टि गरेको छ । दिउँसो साढे १२ बजे मन्त्री परिषदको बिहान बसेको बैठकले गरेका निर्णय सार्वजनिक गर्न पत्रकार सम्मेलनको आयोजना गरिएको छ ।

मुख्यमन्त्रीको रुपमा बैशाख ६ गते पोखरेलले दोस्राे कार्यकाल सुरु गर्नुभएको थियो । पोखरेल सरकार विरुद्ध विपक्षी ३४ जना सांसदले प्रदेश सभा सचिवालयमा अविश्वासको प्रस्ताव दर्ता गरेका छन् । त्यही प्रस्तावको छिनोफानो गर्न प्रदेश प्रमुखले दिउँसो १ बजे प्रदेश सभाको विशेष अधिवेशन आव्हान गर्नुभएको छ ।

८० सदस्यीय प्रदेश सभामा एमाले सँग ३८ र विपक्षीसँग सभामुख सहित ४२ जना सांसद रहेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्