मनाङमा बाढीको असर : सडक बन्द, दैनिक उपभोग्य वस्तुको अभाव

साउन ३१, २०७८ आइतबार २०:१०:२८ | श्यामशितल परियार

लमजुङ – हिमाली जिल्ला मनाङ र लमजुङ जोड्ने बेसीसहर–चामे सडक बन्द भएकाे भएकाे छ । मनसुन सुरु भएयता वर्षासँगै आएको बाढीले क्षति पुर्‍याउँदा याे सडक खण्ड बन्द भएको हो ।

अहिले बेसीसहरदेखि मनाङको शिरानतालसम्म गाडी सञ्चालन भए पनि चामेसम्मकाे सडक बन्द भएकाले शिरानतालदेखि मनाङका अन्य क्षेत्रमा सामान ढुवानी गर्न सकिएको छैन । झन्डै दुई महिनासम्म सडक बन्द हुँदा मनाङमा चामल, दाल र खाना पकाउने ग्यास लगायतका दैनिक उपभोग्य वस्तुको अभाव हुन थालेको छ ।

बाढी प्रभावितहरूले अहिले हेलिकप्टरमार्फत आएको राहतले गुजारा चलाइरहेका छन् । बजारमा खाद्यान्न लगायतका दैनिक उपभोग्य वस्तुको अभाव भएकाले त्यहाँ रहेका कर्मचारी, मजदुरलाई समेत समस्या भएको छ ।

बाढीले विभिन्न लघु जलविद्युत् आयोजनामा क्षति पुर्‍याएकाले लामो समयदेखि यहाँ विद्युत् सेवा पनि बन्द छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्