इजरायल रोजगारीका लागि साढे ९ हजारभन्दा धेरैको आवेदन, परीक्षा कहिले ?

भदौ १, २०७८ मंगलबार १०:५७:५६ | उज्यालो सहकर्मी

काठमाण्डौ – १ हजार जनाको माग भएको इजरायल रोजगारीका लागि ९ हजार ६ सय ९९ जनाको आवेदन परेको छ ।

इजरायलमा सहायक कामदारका लागि एक हजार जनाको मागमा आवेदन दिने अन्तिम दिनसम्म गरी ९ हजार ६ सय ९९ जनाले आवेदन दिएको वैदेशिक रोजगार विभागको इजरायल शाखा प्रमुख डम्बर बहादुर सुनुवारले जानकारी दिनुभयो ।

७० प्रतिशत महिला र ३० प्रतिशत पुरुषका गरी एक हजार जनालाई रोजगारीका लागि लैजाने भए पनि आवेदन दिनेको सङ्ख्या महिलाको भन्दा पुरुषको धेरै छ । विभागका अनुसार ४२ सय महिला र ५ हजार ४९९ जना पुरुषले आवेदन दिएका छन् ।

आवेदन दिनेहरू मध्येबाट योग्यता पुगेकाहरूलाई विभागले छनोट गर्नेछ ।

‘हामीले आजैदेखि आवेदन दिनुभएकाहरुको आवेदन रुजु गर्न थाल्छौँ, विभागले जुन योग्यता तोकेको छ त्यो योग्यता पुगेकाहरू छनोट हुनुहुन्छ, जसको योग्यता पुग्दैन उहाँहरुको आवेदन अस्वीकृति हुन्छ,’ इजरायल शाखा प्रमुख सुनुवारले भन्नुभयो ।

यदि आवेदन अस्वीकृत भएमा कारणसहित आवेदकलाई विभागले जानकारी गराउने छ । स्वीकृति भएमा वा अस्वीकृति भएमा पनि यसको जानकारी विभागले आवेदन दिँदा व्यक्तिले अनलाइन सिस्टममा राखेको फोन नम्बर र इमेलमार्फत जानकारी गराउने छ ।

इजरायल रोजगारीको लागि आवेदन दिएका व्यक्ति २५ वर्ष पूरा भई ४५ वर्ष ननाघेको हुनुपर्छ । १.५ मिटर उचाइ र कम्तीमा ४५ केजी तौल आवश्यक पर्छ । अङ्ग्रेजी भाषाको ज्ञान भए इजरायलको स्थानीय भाषा अनिवार्य छैन ।

कम्तीमा १० कक्षा उत्तीर्ण गरी अनमी वा सीएमएसम्बन्धी विषयको कम्तीमा १५ महिनाको अध्ययन पूरा गरेको वा कक्षा १२ वा सो सरहको शैक्षिक योग्यता हासिल गरी नेपाल सरकारबाट मान्यता प्राप्त तालिम प्रदायक संस्थाबाट केयर गिभिङसम्बन्धी तीन महिनाको तालिम प्राप्त गरेको हुन आवश्यक छ ।

इजरायलमा काम गरी फर्केका र बाबुआमा, पतिपत्नी, छोरा वा छोरी इजरायलमा बसोबास वा काम गरेकाको परिवारका सदस्यको पनि यो प्रक्रियामार्फत आवेदन स्वीकृति हुने छैन ।

परीक्षा

विभागले श्रम मन्त्रालयमार्फत कोभिड १९ सङ्कट व्यवस्थापन केन्द्र सीसीएमसीमा इजरायल रोजगारीको लागि परीक्षा गराउनु पर्नेबारे जानकारी गराउँदै परीक्षा गर्ने मिति पनि प्रस्ताव गरेको छ । विभागको इजरायल शाखा प्रमुख डम्बर बहादुर सुनुवारका अनुसार आवेदन स्वीकृत हुनेहरूको परीक्षा यही भदौ १५ देखि २० भित्र गर्ने भनेर सीसीएमसीमा अनुरोध गरिएको छ । तर कोरोना महामारीको यो समयमा परीक्षा सञ्चालनका लागि सीसीएमसीकै निर्णय कुर्नु पर्ने उहाँले बताउनुभयो ।

यदि सीसीएमसीले अनुमति दिएमा विभागले परीक्षा केन्द्र तोक्ने, परीक्षा समय र मिति बारे पनि आवेदकलाई जानकारी गराउनेछ ।

इजरायलको रोजगारीका लागि आवेदन दिँदै हुनुहुन्छ ? यी कुरा थाहा पाउनुहोस्

इजरायलमा नेपाली श्रमिक र रोजगारदाताबीचको सम्बन्ध : ‘बुवा आमा र छोराछोरीको जस्तो’

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Subin Basnet
Aug. 18, 2021, 6:56 p.m.
I'm interested
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायल रोजगारीका लागि साढे ९ हजारभन्दा धेरैको आवेदन, परीक्षा कहिले ?

1 Comments

Subin Basnet

तपाईको प्रतिक्रिया

तपाईको प्रतिक्रिया