अचम्मै भो ! सिन्धुपाल्चोकमा दियो गोरुले दूध ! भिडियाेसहित

 भदौ १५, २०७५ शुक्रबार १३:१२:१७ | किरण थापा
unn.prixa.net

सिन्धुपाल्चोक – मानिसहरुले भन्ने गरेको त सुनेकै हो ‘भाग्य बलियो भयो भने गोरु पनि ब्याउँछ ।’ गोरु ब्याएको त देखिएको छैन, तर पछिल्लो पटक गोरुले दूध दिएको भनिएको सुनिएको छ । हेलम्बु गाँउपालिका वडा नम्बर –६, इचोकको पुरानागाँउका सोनाम तामाङको गोरुले दैनिक दूध दिँदै आएको छ । 

तामाङको गोरुले दैनिक बिहान बेलुका गरेर एक मानाभन्दा बढी दूध दिइरहेको छ । अहिले गाँउलेहरु र हेर्न जानेहरुले गोेरुको दूध प्रसाद भनेर खाइरहेका छन् । यो भन्दा अगाडि कहिँ कतै नदेखेको र नसुनेको यो घटनाले सबैलाई चकित बनाएको छ । तर गोरुधनी तामाङ भने दङ्ग पर्नुभएको छ । अहिले उहाँको घरमा गोरुले दूध दिएको हेर्न विभिन्न ठाउँबाट आउने मानिसहरुको भिडभाड नै लाग्ने गरेको छ । 

तामाङका अनुसार गएको जेठ महिनाबाट गोरुको अण्डकोश छेउमा रहेका थुनहरु बढेको हो । थुन बढेको केही समयपछि गोरुको थुनबाट दूधको थोपा खसेको थियो । त्यसपछि तामाङले दूध हो कि भनेर परीक्षण गरेपछि चारमध्ये २ वटा थुनहरुमा दूध आउने गरेको छ । तामाङका अनुसार अहिने हेर्न आउने सबैले शिवजीको वाहन भनेर पूजा गर्ने गरेका छन् । 

गोरुको दूध अन्य गाईको भन्दा फरक छैन् । रातो र कालो रङ्ग मिसिएको यो गोरु एक वर्षअघि तामाङ परिवारले किनेर ल्याएको हो । गोरुले चमत्कार नै गरेको तामाङ परिवारको भनाई रहेको छ । गोरुले दूध दिएको हेर्न पुग्नुभएका गाँउपालिका अध्यक्ष निमा ग्याल्जेन शेर्पाले पनि गोरुले सबैलाई चकित बनाएको बताउनुभयो । 
स्वास्थ्यकर्मीहरु भने हर्मोन गडबढका कारण गोरुको दूध आएको हुनसक्ने बताँउदै आएका छन् । हेलम्बु पशु सेवा कार्यालयका प्रमुख टोपबहादुर बराल भने हर्मोनको कारण यस्तो हुनसक्ने भए पनि ठ्याक्कै यही नै हो भन्ने स्थिति नभएको बताउनुहुन्छ । 

गोरुले दूध दिनु विज्ञानसम्मत नभएको वरिष्ठ पशु चिकित्सक डाः शरदसिंह यादवले बताउनुभयो । यस्तो घटना हालसम्म आफूलाई थाहा नभएको र गोरुले दूध दिनु अनुसन्धानको विषय बनेको उहाँको भनाई छ । यसको बारेमा विस्तृत रुपमा अध्ययन र अनुसन्धान गरेपछि मात्र यही हो भन्न सकिने उहाँको भनाई छ । 

हेर्नुहाेस् भिडियाे

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ । 

9 Comments

  • Raj

    June 13, 2020, 10:24 p.m.

    हैन.... दुहुन जाने पो कस्ता त ! 🤔

  •  0 Reply

  • Dr Dirgha Nath Dhungana

    May 31, 2019, 10:16 a.m.

    अस्वभाविक विभिन्न कारण शरीरमा हर्मोन को असन्तुलन खासगरि estrogon, progestoron र oxytocin आदिको असन्तुलित वृद्धिले यदाकदा लाखौंमा एकमा भाले स्तनधारिले यस्तो प्रकारको घटना देखाउने गर्छन।तर यो बेबसायिक हुदैन

  •  1 Reply

  • रबिन सुब्बा

    Sept. 3, 2018, 9:05 a.m.

    केपी काकाको पालामा अचम्मै भएछ त ???

  •  0 Reply

  • Kamala thapa

    Sept. 2, 2018, 3:02 p.m.

    यो त अचम्म पो भो त हौ /

  •  0 Reply

  • भगवान घिमिरे

    Sept. 2, 2018, 12:04 p.m.

    थारैमा बस्यो मालीमा गाइ ,गोरु त ब्यायो रे नेपालि कांग्रेस पार्टीले बहुमत ल्यायो रे भन्ने गित प्रजातन्त्रको पहिलो निर्बाचन पछीको गाइजात्रा मा सुनेको हो तर आज सांचै नै गोरुले दुध पो दिएछ ! असम्भब कुराको रुपमा लिईने यो उखान पनि फेल खायो यो देख्दा !

  •  0 Reply

  • nirajan bikram shahi

    Sept. 1, 2018, 8:47 p.m.

    खोई के हुंदैछ यहाँ ? मलाई त यो चमत्कार भए जस्तो छ /

  •  0 Reply

  • Anil

    Sept. 1, 2018, 10:59 a.m.

    उसो भए अब दुधको मूल्य कम हुन्छ होला /

  •  0 Reply

  • ramesh

    Sept. 1, 2018, 9:34 a.m.

    एकचोटि जचौने हो कि ? हामीले दुध भनेको कहिँ अर्कै हो कि ?

  •  0 Reply

  • सबिस पोखरेल

    Aug. 31, 2018, 9:51 p.m.

    पशुपति क्षेत्र बिकास कोष लाई जिम्मा लगाउनु पर्यो । विश्व ले हेरोस न दूध दिने गोरु ।

  •  0 Reply

तपाईको प्रतिक्रिया

समाचार

लोकप्रिय

१

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

२

रुस–युक्रेन युद्ध झनै खराब अवस्थामा, रुसले आणविक हतियार प्रयोग गर्ने चिन्ता बढ्यो

३

काठमाण्डौमा सहकारी पीडितकाे प्रदर्शन

४

हार्दिक पान्ड्या टी–२० अलराउन्डर वरीयताकाे शीर्ष स्थानमा

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई