पूर्व–पश्चिम राजमार्गकाे नवलपुर खण्ड अझै सहज रूपमा सञ्चालनमा आउन सकेन

भदौ १४, २०७८ सोमबार १६:५९:४९ | दयाराम आचार्य

नवलपरासी : पूर्व–पश्चिम राजमार्गको नवलपुर खण्ड अझै सहज रूपमा सञ्चालनमा आउन सकेको छैन । गएको बिहीवार राति ९ बजे बाढीले डाइभर्सन बगाउँदा बन्द भएकाे सडक अझै सहज रूपमा सञ्चालनमा आउन सकेको छैन ।

पूर्व–पश्चिम राजमार्ग विस्तारका क्रममा नवलपुरको गैँडाकोट नगरपालिका २३ स्मृति नजिक बनाउन लागिएको पुलको ठाउँमा बनाइएको डाइभर्सन बाढीले बगाएको हो । पाँच दिनदेखि राजमार्ग बन्द भइ सहज रूपमा सञ्चालनमा आउन नसक्दा राजमार्गमा गाडीकाे लामो लाइन लागेको छ । बाढीले बगाएको डाइभर्सनको दुवैतर्फ गरेर झन्डै २० किलोमिटर लामो लाइन लागेको छ ।

अहिले पनि दुई/चार वटा गाडी वारपार गराउँदै पुनः डाइभर्सन मर्मत गर्ने गरिएको छ । डाइभर्सन निर्माण गरिएकाे भए पनि हिलो र दलदलले सहज रूपमा गाडी वारपार हुन सकिरहेका छैनन् । आज पानी नपरे भाेलि मङ्गलवारसम्ममा बाटाे दुईतर्फी सञ्चालन हुन सक्ने अनुमान गरिएको छ ।

अहिले एम्बुलेन्स, साना गाडी र यात्रुवाहक बसलाई प्राथमिकता दिएर वार/पार गराउने गरिएको छ । तर डाइभर्सन भत्किएको भन्दा अन्य ठाउँमा लेन मिचेर ओभरटेक गर्ने गर्दा जाम छिचोल्न घण्टाैँ समय लाग्ने गरेकाे छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्