वर्षा राउत र शिवाकाेटीलार्इ एउटै चलचित्रमा देख्न पाउलान् त दर्शकले?

भदौ १७, २०७५ आइतबार १५:२२:४९ | उज्यालो सहकर्मी

बेला बेलामा चलचित्र बजार नै हल्लिने गरी नायिकाद्धय वर्षा राउत र वर्षा सिवाकोटीको चर्चा हुने गरेको छ । विशेष त एउटी वर्षाले छाडेको चलचित्रमा अभिनयका निम्ति सहमत हुनुले बेला बेला यि नायिकाहरुले चलचित्र बजार हल्लाउने गरेका छन् ।

यसै कारणले पनि उनीहरुको सम्बन्ध पानी बाराबारको अवस्थामा रहेको समाचारहरु आइरहेका छन् । तर दुवै वर्षाले आफूहरुको सबन्धमा समाचारमा आएको जस्तो नरहेको बताउँदै आएका छन् ।

पछिल्लो समय यि दुइ नायिकालाई एउटै चलचित्रमा हेर्न चाहने दर्शकहरुको लर्को लागेको छ । दर्शकहरुको त्यो चाहनालाई मध्यनजर गर्दै सञ्चारकर्मी प्रकाश सुवेदीले निर्देशन गर्न लागेको चलचित्र ‘बकम्फुसे राजा’मा दुवै वर्षालाई अफर गरिएको छ ।

यो चलचित्रको घोषणा केही दिन अगाडिमात्र गरिएको थियो । यता दुवै वर्षाहरुले आफूहरुको सम्बन्धमा कुनै खटपट नभएको र एकसाथ काम गर्न कुनै समस्या नरहने बताउँदै आएका छन् ।

यस चलचित्रमा नायकको भूमिकामा भने कलाकार खगेन्द्र लामिछानेले काम गर्न लागेको बताइएको छ ।

दुवै नायिकाले चलचित्र गर्न कुनै समस्या नभएको बताए पनि लिखित सम्झौता भने भइसकेको छैन । दुवै नायिकाका लागि चलचित्रमा आकर्षक भूमिका रहेको बुझिएको छ ।

लिखित सम्झौता हुन बाँकी भए पनि मौखिक रुपमा भने दुवैले सहमति जनाइसकेको निर्देशक प्रकाश सुवेदीले बताए ।

चलचित्रको घोषणा सभामा काम गर्ने पक्का भएकै कारण नायिका वर्षा राउत उपस्थित थिइन् । तर बर्षा सिवाकोटीको भने उपस्थिति थिएन ।

पछिल्लो समय वर्षा सिवाकोटीले त्यस चलचित्रमा अभिनय गर्न नभ्याउने जवाफ दिएको चर्चासमेत चलेको छ ।

तर निर्देशक सुवेदीले भने सिवाकोटीले त्यस्तो कुनै जवाफ नदिएको बताएका छन् ।

कमेडी जनरामा निर्माण हुनलागेको चलचित्रमा कुन वर्षाले काम गर्ने हुन्,कुन वर्षा आउट हुने हुन्, या त दुवै जना काम गर्न सहमत हुने हुन् यो भने लिखित सम्झौतापछि नै थाहा हुनेछ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्