दक्षिण कोरियाका राष्ट्रपति युनद्वारा भ्रष्टाचार नियन्त्रण निकाय स...
पुस ३, २०८१ बुधबार
‘खुत्रुके बचत गरेर छोरीलाई साइकल किनिदिएँ’
काठमाण्डौ – धनुषाकी इन्दु रावतसँग छोरीले मागेको पहिलो कुरा थियो ‘साइकल’ । कतिपय बुवाआमाका लागि सामान्य झैँ लाग्ने कुरा इन्दुका लागि छोरीको यो चाहना पूरा गर्न कठिन थियो ।
श्रीमानले साउदीमा कमाएको पैसाले घर चलाउनु पर्ने बाध्यता । नुनदेखि चामलसम्म किन्नु पर्ने । विदेश जाँदा काढेको ऋण तिर्दा घर चलाउन हम्मे हम्मे हुने ।
कसरी किनिदिनु साइकल ? तर एक वर्ष अघि देखिको इन्दुकी जेठी छोरीको साइकल चढ्ने चाहना जसोतसो पूरा भएको छ ।
कसरी त ?
इन्दु भन्नुहुन्छ, ‘पैसा भएर हैन, नहुँदा नहुँदै पनि बचत गरेर किनिदिएको हुँ ।’
इन्दुका श्रीमान् अहिले साउदीमा काम गरिरहेका छन् । साउदी जानुअघि अन्य देश पनि गएका थिए ।
अहिले पनि मासिक ८ सय रियाल मात्रै छ तलब । त्यही पैसा पनि पहिले पहिले त इन्दुका ससुराको नाममा पठाउँथे । इन्दुलाई घर चलाउन ससुराले नै खटाएर रकम दिन्थेँ । यसो गर्दा पठाएको पैसा बचत हुन छाड्यो । अनि, श्रीमानले इन्दुकै नाममा रकम पठाउन थाले ।
‘मेरो नाममा पैसा पठाउन थालेपछि भने मैले ऋण तिर्ने, अलिअलि घर खर्च चलाउने र एक सय दुई सय भए पनि बचत गर्न थालेको हुँ,’ इन्दु भन्नुहुन्छ ।
विदेशमा कमाएर मात्र हुँदैन । कमाएको रकमको सही सदुपयोग नहुँदा पहिला पहिला जाँदा जस्तै फर्कँदा पनि रित्तो हात फर्किए इन्दुका श्रीमान् । तर यसपालि भने इन्दुले आफ्नै गाउँमा पैसाको महत्त्व सिकाउने वित्तीय साक्षरता कक्षामा बस्नुभयो । कक्षामा बसेर बचत गर्ने र खर्च घटाउने तरिका जाने पनि भने इन्दुलाई पनि सहज भयो ।
आफूले दैनिक गर्ने खर्चको हिसाब राख्न थाल्नुभयो ।
विद्यालय गएर औपचारिक शिक्षा नलिएका कारण इन्दु कापीमा लेख्न जान्नुहुन्न ।
‘मलाई त लेख्न आउँदैन, छोराछोरीलाई लेख्न लगाए, यसरी महिना भरि श्रीमानले पठाएको, अनि खर्च भएको रकम लेख्दा त फाइदा हुने रहेछ,’ इन्दु भन्नुहुन्छ,‘श्रीमानलाई पनि कहाँ खर्च गर्यो होला भनेर चिन्ता भएन, पहिले पहिले ससुरालाई पैसा पठाउँदा उहाँले कहाँ खर्च गरिदिनुभयो भन्ने थाहा नै भएको थिएन ।’
कक्षामा बस्न थालेपछि इन्दुलाई जति भए पनि बचत गर्नुपर्छ भन्ने लाग्यो । उहाँले तरकारी किन्दा होस् या चामल किन्दा उब्रिएको रकम खुत्रुके किनेर छोरीको नाममा बचत गरिदिन थाल्नुभयो ।
आमाले बचत गरेको देखेपछि तीन छोरीले पनि एक एक वटा खुत्रुके किनेर ल्याए र त्यसमा चकलेट बिस्कुट खान भनेर कसैले दिएको रकमसमेत बचत गर्न थाले ।
‘छोरीहरूलाई मामाघरतिर आमाले मामाले दिएको पैसा पनि ल्याएर यही बचत गर्न थाले, मैले जे गर्यो त्यो गर्न छोरीहरूलाई पनि मन लाग्दो हरेछ,’ इन्दु सुनाउनुहुन्छ ।
त्यही खुत्रुकेमा जम्मा भएको पैसाले नै इन्दुले छोरीलाई साइकल किनिदिनुभयो ।
इन्दु भन्नुहुन्छ ‘छोरीको र मेरो गर्दा ४७ सय बचत भएछ, अनि मैले त्यो पैसाले छोरीको इच्छा पूरा गरिदिएको हुँ ।’
आफूले भनेजस्तो साइकल चढ्न पाउँदा छोरी खुसी छन् । साइकलले छोरीलाई मात्र खुसी दिएको छैन । घरमा दैनिक काम गर्न पनि सजिलो भएको छ ।
छोरी स्कुल साइकल चढेर जान्छिन् । अनि बिहान बेलुका बजार जानदेखि खेतमा जानसमेत साइकलले सहज भएको छ ।
आमाछोरीले मिलेर किनेको साइकल र गरिरहेको काम देख्दा उता साउदीमा श्रीमान् पनि खुसी छन् इन्दुको ।
छोरीलाई मजस्तो बनाउँदिन
इन्दुलाई पढ्न विद्यालय जान नपाएको आज पनि पछुतो लाग्छ । घर चलाउने खर्च, चुरा पोते किन्ने पैसा समेत आधा जीवन श्रीमानकै कमाइमा भर पर्नुपर्दा नरमाइलो लाग्छ ।
उहाँ सोच्नुहुन्छ,‘ छोरीलाई म जस्तो बनाउँदिन, पढाउँछु, लेखाउँछु र जागिर खाएपछि मात्रै बिहे गरिदिन्छु ।’
इन्दुका तीन छोरी छन् । अहिले तीनै जना विद्यालय जान्छन् । तीनै छोरीलाई समान शिक्षा दिने उहाँको रहर छ ।
उहाँको समुदायमा कतिले इन्दुलाई भन्छन्, ‘छोरीलाई किन यति दुःख गरेर पढाएकी ?’
इन्दु भन्नुहुन्छ,‘छोरीहरूलाई म ठुलो मान्छे बनाउँछु, मजस्तो औँठाछाप बनाउँदिन ।’
इन्दुको मनमा छोरीहरूले पढेर आफ्नो खुट्टामा उभिन सकुन् भन्ने छ । बिहे पछि आफ्नो खर्चका लागि पनि आफूजस्तै श्रीमानको भर नपरून् भन्ने चाहना छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
रुपन्देहीको क्लबलाई हराउँदै चर्च ब्वाइज झापा कपको सेमिफाइनलमा
पुस ३, २०८१ बुधबार
-
नातिकाजी राष्ट्रिय सङ्गीत सम्मान घोषणा
पुस ३, २०८१ बुधबार
-
पाेखरा सडक महाेत्सवकाे पुस १३ देखि १७ गतेसम्म
पुस ३, २०८१ बुधबार
-
राष्ट्रपतिद्वारा भारत र मलेसियाका लागि राजदूत नियुक्त
पुस ३, २०८१ बुधबार
-
ठूला उद्योगमा 'लोडशेडिङ' शुरू, माथिल्लाे तामाकोशी पूर्ण क्षमत...
पुस ३, २०८१ बुधबार
-
दैनिक आत्महत्याका २० र बलात्कारका ७ वटा मुद्दा प्रहरीमा दर्ता
पुस ३, २०८१ बुधबार
-
जनकपुरलाई हराउँदै सुदूरपश्चिम एनपीएलकाे फाइनलमा
पुस ३, २०८१ बुधबार
-
हङकङलाई २ सय २६ रनले हराउँदै नेपालले एक खेलअघि नै जित्याे ...
पुस ३, २०८१ बुधबार
-
शेयर बजार सामान्य घट्याे
पुस ३, २०८१ बुधबार
-
स्रोत नखुलेको ६८ लाख रुपैयाँसहित काठमाण्डौबाट चार जना पक्राउ
पुस ३, २०८१ बुधबार
-
त्रिविको जग्गा तथा सम्पत्ति छानबिन समितिको प्रतिवेदन सार्वजनिक ...
पुस ३, २०८१ बुधबार
-
दिल्लीको वायु प्रदूषण कोभिड–१९ महामारीभन्दा पनि खतरनाक : विज्ञ
पुस ३, २०८१ बुधबार
-
सङ्क्रमणकालीन न्यायसम्बन्धी मुद्दामा तीन वटा मानव अधिकारवादी सङ्...
पुस ३, २०८१ बुधबार
विचार
-
कागजपत्र लगेर कम्पनी दर्ता गर्ने प्रक्रिया बन्द भइसक्यो
मंसिर ३०, २०८१ आइतबार
-
बीआरआईमा हस्ताक्षर भयो, तर अन्तिम किनारा लगाउन बाँकी छ
मंसिर २०, २०८१ बिहिबार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Ramesh
Sept. 22, 2021, 9:06 p.m.सामुदायिक विद्यालयमा अध्यन गर्ने सबै छात्राहरुलाई २ नं.प्रदेश सरकारले नि:शुल्क साइकल बितरण गर्दै आएको भन्ने सुनिएकोमा यिनले किन पाएनन् त?