लमजुङको राइनास नगरपालिकामा स्थगित कांग्रेसको पालिका अधिवेशन असोज १६ गते हुने

असोज १३, २०७८ बुधबार १९:४७:५१ | श्यामशितल परियार

लमजुङ – नेपाली कांग्रेसको १४ औँ महाधिवेशनको पालिका अधिवेशनअन्तर्गत लमजुङको राइनास नगरपालिकामा स्थगित भएको मतदान यही असोज १६ गते हुने भएको छ ।

गएको असोज ९ गते नगरपालिकामा स्थानीय कार्य समिति गठनका लागि भएको मतदान प्रक्रियामा मत पत्रमा सामान्य मानवीय त्रुटि फेला परेपछि आपसी सहमतिमा र केन्द्रबाट खटिनुभएका निर्वाचन अधिकृतको सल्लाहअनुसार मतदान स्थगित गरिएको मतदान अधिकृत दिनेश चिलुवालले जानकारी दिनुभयो ।

मत पत्रको दुरुपयोग नहोस् भनी तत्कालै मतपत्र नष्ट गरिएको र राइनास नगरपालिकामा स्थगित मतदान यही असोज १६ गते हुने मतदान अधिकृत चिलुवालले जानकारी दिनुभयो । त्यस दिन बिहान १० बजेदेखि १ बजेसम्म सम्बन्धित मतदाताले मतदान गर्न सक्ने उहाँले बताउनुभयो ।

गएको शनिवार लमजुङमा भएको भएको पालिका अधिवेशनमा मर्स्याङ्दी गाउँपालिकामा कृष्णबहादुर गुरुङ, दूधपोखरी गाउँपालिकामा मेघराज गुरुङ, क्वलहोसोँथर गाउँपालिकामा पसबहादुर गुरुङ र दोर्दी गाउँपालिकामा बिच्छबहादुर घले सर्वसम्मत रूपमा सभापतिमा चयन हुनुभएको थियो ।

यस्तै बेसीसहर नगरपालिकामा शरणहरि जोशी, सुन्दरबजार नगरपालिकामा प्रकाश सेढाइँ र मध्य नेपाल नगरपालिकामा वसन्तराज घिमिरे सभापतिमा निर्वाचित हुनुभएको नेपाली कांग्रेस क्षेत्र नं २ का क्षेत्रीय सभापति वृषराज गुरुङले जानकारी दिनुभयो ।

यस्तै पार्टी सचिव हरि बरालका अनुसार गएको भदौ १८ गते भएको वडा अधिवेशनबाट लमजुङको बेसीसहर नगरपालिकाबाट दुई सय १८, सुन्दरबजार नगरपालिकाबाट दुई सय १७, मध्य नेपाल नगरपालिकाबाट एक सय ८२, राइनास नगरपालिकाबाट दुई सय एक, दोर्दी गाउँपालिकाबाट एक सय ६१, दूधपोखरी गाउँपालिकाबाट एक सय एक, क्वहोलासोँथर गाउँपालिकाबाट एक सय ४४ र मर्स्याङ्दी गाउँपालिकाबाट एक सय ४४ जना क्षेत्रीय प्रतिनिधिका रूपमा चुनिएका छन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्