बच्चा जन्माउन नसकेर सुत्केरीकाे ज्यान गयाे

भदौ २३, २०७५ शनिबार १९:३६:४७ | चन्द्र थापा

अछाम - समयमै उपचार नपाउँदा अछाममा शनिबार एक गर्भवती महिलाको ज्यान गएको छ ।

अछाम जिल्लाको पञ्चदेवल बिनायक नगरपालिका २ निवासी २३ वर्षीया चन्द्रा धामीको सुत्केरी अवस्थामा उपचार नपाउँदा ज्यान गएको हो । सुत्केरी बेथाले च्यापेर उपचारका लागि स्वास्थ्य चौकी बिनायकमा लगेकाे भए पनि त्यहाँ उपचार सम्भव नभएपछि जिल्ला अस्पताल मंगलसेनमा रेफर गरिएको थियो ।

जिल्ला अस्पताल मंगलसेनमा पनि उपचार सम्भव नभएपछी त्याहाँबाट नेपालगञ्ज रेफर गरिएको थियो । उपचारका लागि नेपालगञ्ज लैजाँदै गर्दा धामीकाे बीच बाटोमा नै ज्यान गएको हो ।

गर्भवती धामीको पेटमा जुम्ल्याहा बालक रहेका जिल्ला अस्पताल अछामका जनस्वास्थ्य अधिकृत झनकराज ढुङ्गानाले जानकारी दिनुभयो । पेटभित्र रहेका जुम्ल्याहा बालकमध्ये एक बालक पेटभित्रै मृत अवस्थामा रहेको ढुङ्गानाले बताउनुभयो ।

बिरामी धामीलाई धेरै मात्रामा कम्पन भएको हुँदा त्यसको उपचारको सुबिधा अस्पतालमा नभएकाले रेफर गर्नुपरेको पनि जिल्ला अस्पताल अछामले जनाएको छ ।

आर्थिक अवस्था कमजोर भएकाले पनि सुविधायुक्त अस्पतालमा समयमै पुर्याउन नसकिएकोले धामीको ज्यान गएको हो । मृतक धामीका श्रीमान जनक धामी रोजागारीको सिलसलामा भारतमा छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

चन्द्र थापा

अछामका उज्यालो सहकर्मी चन्द्र थापा रेडियो रामारोशनमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्