महाराजगञ्ज नर्सिङ कलेजमा स्ववियुकाे तालाबन्दी
चैत ६, २०८० मंगलबार
धादिङ – थाक्रे गाउँपालिका वडा नम्बर–६, मा रहेको रानीझरनामा शनिबारदेखि व्यवसायिक रुपमा छाँगाबरोहण (क्यानोनिङ) सुरु भएको छ ।
काठमाडौंबाट ४० किलोमिटर दूरीमा रहेको पुथ्वीराजमार्गको महादेब बेसीबाट ४ किलोमिटर दक्षिणतर्फ कच्ची बाटो गएपछि रानीझरना पुग्न सकिन्छ । नेपाल क्यानोनिङ एसोसियसनको आयोजना र थाक्रे गाउँपालिकाको सहयोगमा रानीझरना क्षेत्रको पूर्वाधारको सुधार गरी व्यवसायिक सुरुवात गरेको र पर्यटकीय क्षेत्रको विकासमा गाउँपालिका लागि परेको गाउँपालिका अध्यक्ष रामकुमार आचार्यले बताउनुभयो ।
गाउँपालिकाले सडकको गुणस्तर सुधार, रानीझरना क्षेत्रको पूर्वाधार विकास र थप पूर्वाधार निर्माण, आवास तथा सुरक्षाको प्रबन्ध गर्ने तयारी गरिएको गाउँपालिका अध्यक्ष आचार्यको भनाई छ । शनिबार रानीझरना क्षेत्रमा राष्ट्रिय योजना आयोगका उपाध्यक्ष प्राध्यापक डाक्टर पुष्प कँडेलले झर्नाबरोहणको उद्घाटन गर्नुभयो ।
पृथ्वीराजमार्गको महादेब बेसीबाट ४ किलोमिटर दक्षिणतर्फ कच्ची सडकमार्ग प्रयोग गरी सडकबाट ५ मिनेट खोलामा झरेपछि रानीभरना पुग्न सकिने भएकोले राजधानीबाट छोटो दूरीमै प्रकृतिको मज्जा लिन सकिने रानीबारी निवासी पत्रकार रामेश्वर काकीले जानकारी दिनुभयो ।
रानीझर्ना क्षेत्रमा शनिबारबाट २१ जनालाई झर्नाबरोहणका लागि आधारभूत तालिम दिन सुरु गरिएको छ । रानीझरनामा जेठ २६ र २७ गते छाँगाबरोहण महोत्सव आयोजना गरिने तयारी गरिएको नेपाल क्योनिङ एसोसिएसनका संस्थापक अध्यक्ष कर्ण थापाले बताउनुभयो ।
धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।