अदालतबाट पहिलोपटक कानुनी विवाह

भदौ २५, २०७५ सोमबार १०:३१:५५ | सन्तोष थापा

पर्वत – प्रायः अदालतबाट पति–पत्नीबीचको दाम्पत्य सम्बन्ध छुट्टिएको खबर आइरहँदा अदालतले पहिलोपटक दाम्पत्य जोडीको सम्बन्ध जोडेको छ । पर्वत जिल्ला अदालतले आइतबार एक पोर्चुगलका नागरिकसँग नेपाली युवतीको कानुनी विवाह गराएको हो ।

यसअघि जिल्ला प्रशासन कार्यालयबाट हुँदै आएका कानुनी विवाह भदौ १ गतेदेखि अदालतलाई अधिकार प्रत्यायोजन गरेपछि आइतबार पर्वत जिल्ला अदालतले वैवाहिक सम्बन्ध प्रमाणित गर्दै विवाह प्रमाणपत्र जारी गरेको हो ।

अदालतले नेपालबाट विभिन्न सिलसिलामा पोर्चुगल पुगेर त्यहीँको नागरिकता प्राप्त गरेका पौडेल थरका एक ३० वर्षीय युवा र नेपालमा नै रहेकी विश्वकर्मा थरकी २१ वर्षीया युवतीको विवाह गराइदिएको हो ।

अदालतबाट भएको पहिलो कानुनी विवाह नै अन्तरजातीय विवाह रहेको छ । मुलुकी देवानी संहिता २०७४ को दफा ७७ बमोजिम विवाह गर्न स्वीकार्य भएकाले संहिताको दफा ८० को २ नं. बमोजिम नवविवाहित जोडीलाई प्रमाणपत्र प्रदान गरिएको पर्वत जिल्ला अदालतका सहायक श्रेष्तेदार मातृका रिमालले बताउनुभयो ।
विवाहका लागि निवेदक युवा पोर्चुगलका नागरिक भएकाले त्यहाँको समेत कानुनसँग नबाझिने गरी विवाह प्रमाणित गरी प्रमाणपत्र प्रदान गरिएको रिमालले जानकारी दिनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्