सलमान खानले किन छाेडे ‘धूम ४’ ?

भदौ २५, २०७५ सोमबार १९:३१:५५ | उज्यालो सहकर्मी

एक जमानामा आपसमा प्रेम सम्बन्धमा रहेका अभिनेता सलमान खान र ऐश्वर्या रायकाे ब्रेकअप भयो ।

सलमानसँग ब्रेकअपपछि ऐश्वर्याले अभिनेता अभिषेक बच्चनका साथ घरजम गरिन् । ऐश्वर्यासँग विवाह गरेपछि सलमान र अभिषेकबीच वर्षौदेखि शीतयुद्ध चलिरहेको छ । सलमान र अभिषेकले अहिलेसम्म एकअर्काको बारेमा कुनै किसिमका टिकाटीप्पणी नगरे पनि यी दुवैले एकअर्काबीचको दुरी भने कायमै राखेका छन ।

फिल्म ‘धूम’ को सिरिजमा अभिनेता अभिषेकले प्रहरीको भूमिका निर्वाह गर्दै आइरहेका छन् ।

हालै ‘धूम’ सिरिजका निर्माताले अभिनेता सलमान खानलाई फिल्म ‘धूम ४’ का लागि प्रस्ताव राखेका थिए । तर सलमानले पूर्व प्रेमिकाका पति अभिषेक पनि त्यही फिल्ममा भएकाले त्यो प्रस्ताव अस्वीकार गरिदिएका छन् ।

सलमान खान अभिनेता अभिषेकसँग स्क्रिन सेयर गर्न चाहँदैनन् । यही कारण सलमानले यस फिल्मबाट हात झिकेको खबरहरु आएका थिए ।

तर सलमान खानले भने यस कुराको कारण अरु नै रहेको बताएका छन् । सलमानले आफ्ना फ्यानहरुले आँखा बन्द गरेर आफूलाई फलो गर्ने भएका कारण आफूले कहिले पनि नकारात्मक भूमिका निर्वाह नगर्ने नियम बनाएको र यही नियम पालना गर्ने क्रममा नकारात्मक भूमिका रहेका फिल्महरुको प्रस्ताव अस्वीकार गर्ने गरेको बताएका छन ।

सलमानले ‘धूम ४’ को नाम नलिएपनि यस फिल्मलाई छोड्नुको कारणबारे भने बताइसकेका छन् । यदी सलमानले यस फिल्ममा काम गर्न राजी भएमा यस फिल्ममा उनले चोरको भूमिका निर्वाह गर्नुपर्नेछ । जुन कुरा उनले बनाएको नियम विपरित हुनेछ ।

सलमान खानबाहेक यस फिल्मका लागि अभिनेता शाहरुख खान, रणवीर कपूर र रणवीर सिंहको नाम पनि चर्चामा रहेको छ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्