प्रदेश १ मा मन्त्रालयको सङ्ख्या ७ बाट बढाएर १३ पुर्‍याइयाे, ८ मन्त्रीले शपथ लिए

माघ २३, २०७८ आइतबार १५:५:२ | उज्यालो सहकर्मी

काठमाण्डाै – प्रदेश १ का मुख्यमन्त्री राजेन्द्रकुमार राईले मन्त्रिपरिषद विस्तार गर्नुभएको छ । आज आइतवार नियुक्त भएका आठ मन्त्रीले प्रदेश प्रमुख पर्शुराम खापुङ समक्ष सपथ ग्रहण गरेका छन् ।

प्रदेश १ मा मन्त्रालयको सङ्ख्या सातबाट बढाएर १३ पुर्‍याइएकाे छ भने एक राज्यमन्त्रीसहित प्रदेश १ को मन्त्रिपरिषद् १४ सदस्यीय बनेको छ ।

आज नियुक्त भएका मन्त्रीहरूमा रामकुमार राई– खानेपानी, सिँचाइ तथा ऊर्जा मन्त्री, झलकबहादुर मगर– कृषि मन्त्री, राजन राई– सामाजिक विकास मन्त्री र खिनु लङ्वा लिम्बु पर्यटन तथा संस्कृति मन्त्री हुनुहुन्छ ।

यस्तै यातायात व्यवस्था तथा सञ्चार मन्त्रीमा उपेन्द्र घिमिरे, वन, वातावरण तथा भू–संरक्षण मन्त्रीमा शेखरचन्द्र थापा, उद्योग, श्रम तथा रोजगार मन्त्रीमा प्रकाशप्रताप हाङ्गाम र भूमि व्यवस्था, सहकारी तथा गरिबी निवारण मन्त्रीमा ओमप्रकाश सरावगीले शपथ लिनुभएको छ ।

दलहरूबीच भागबन्डा मिलाउन मन्त्रालयको सङ्ख्या बढाएको भन्दै चौतर्फी आलोचना भइरहेको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्