जाँगर भए विदेश जानु पर्दैन, पान खेतीबाटै लाखाैं कमाउँदै सप्तरीका कुशेश्वर

भदौ २७, २०७५ बुधबार १५:२१:५५ | शुभनारायण यादव

सप्तरी – सप्तरीका कुशेश्वर चौरसिया तीन पुस्तादेखि आफ्नै खेतमा पान लगाएर त्यसको आम्दानीले ८ जनाको परिवार चलाउँदै आउनुभएको छ ।

मेहनतको फल मिठो हुन्छ भन्ने उखानलाई सप्तरीको बदगामा गाविस–४ का चौरसियाले पान खेतीका माध्यमबाट पुष्टि गर्न सफल हुनुभएको छ ।

आफ्नो हजुरबुवाको बुवाले नै खेती अपनाएको बताउँदै केशेश्वरले भन्नुभयो, ‘आफूले खेतमा पान लगाई त्यसै पेशाबाट एक छोरीको बिहे गर्नुका साथै २ छोराको पढाई लेखाई गर्दै आएको बताउनुहुन्छ ।

पान बेचेर नै आफ्नो घर परिवार चल्दै आएको बताउँदै चौरसियाले सप्तरीकै कञ्चनपुरमा आफनो पसल रहेकोले पसलमा बेच्नुका साथै जिल्लाको अन्य स्थानमा समेत पान बिक्री वितरण गर्दै आएको बताउनुभयो । उहाँले पान बिक्रीबाट मासिक १५–२० हजारसम्म आम्दानी गर्दै आउनुभएको छ ।

चौरसियाले पानको उचित बजार व्यवस्थापनको कुनै समस्या नरहेकोले बताउँदै आफ्नो हजुरबुवाले अपनाउँदै आएको पेशालाई जीवित राखेको बताउनुभयो । हाल चौरसियाकहाँ दिनहुँ नेपाल र भारतको विभिन्न स्थानबाट पान लिन ग्राहकहरु आउने गरेका छन् । यस वर्ष उहाँले २ कठ्ठामा पान खेती लगाउनुभएको छ ।

आफ्नै लगानीमा वर्षेनी पानको खेती गर्दै आएका चौरसियाले राज्य तथा सम्बन्धित निकायले हालसम्म आफूलाई कुनै प्रकारको सहयोग नगरेको दुखेसो पोख्नुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्