दाङ - दाङको तुलसीपुर- ५ मा रहेकाे एक जुत्ता-चप्पल गोदाममा आगलागी हुँदा दुई जनाकाे ज्यान गएकाे छ । 

तुलसीपुर उपमहानगरपालिका-५ ‘ङ’ लाइनमा रहेकाे ‘इरम फुटवेयर’ जुत्ता चप्पल गोदाम रहेको चार तले घरमा आगलागी हुँदा दुई जनाकाे ज्यान गएकाे हाे । 

आज बिहान दुई बजेदेखि लागेकाे आगाे अझै नियन्त्रणमा आउन नसकेको इलाका प्रहरी कार्यालय तुलसीपुरका प्रमुख डीएसपी श्यामु अर्यालले जानकारी दिनुभयाे । 

उहाँले घरमा अझै तीनदेखि पाँच जनासम्म फसेकाे हुनसक्ने जानकारी दिनुभएकाे छ । 

इलाका प्रहरी कार्यालय तुलसीपुर, नेपाली सेना, सशस्त्र प्रहरी, स्थानीय तथा तुलसीपुर र घोराही उपमहानगरपालिकाको दमकलले आगो नियन्त्रणमा लिने प्रयास गरिरहेकाे डीएसपी अर्यालले बताउनुभयाे।

विद्युत् मिटर पड्किँदा आगलागी भएको हुनसक्ने प्रहरीले जनाएकाे छ ।