जान्हवी कपूर बलिउडकै पहिलो रोजाइकी अभिनेत्री बन्ने

भदौ २९, २०७५ शुक्रबार १०:२३:५० | उज्यालो सहकर्मी

फिल्म ‘धडक’ बाट बलिउड डेब्यू गरेकी अभिनेत्री जन्हवी कपूर अहिले बलिउडै पहिलो रोजाइकी अभिनेत्री बन्ने तरखरमा लागिसकेकी छिन् ।

फिल्म ‘धडक’ सफल भएसँगै निर्माता तथा निर्देशकहरुको नजरमा पर्न सफल जान्हवीले पहिलो फिल्मबाट उनको अभिनयका कारण वाहवाही पाइसकेकी थिइन् । फिल्म ‘धडक’ पछि निर्माता तथा निर्देशक करण जोहरले उनको फिल्म ‘तख्त’ मा जान्हवीलाई साइन गरिसकेका छन् ।

जान्हवी कपूरलाई अर्को फिल्मको लागि पनि अफर आइसकेको छ । धर्मा प्रोडक्शनले निर्माण गर्न लागेको गुञ्जन सक्सेनाको बायोपिकका लागि जान्हवीले साइन गरिसकेकी छिन् । यस फिल्ममा जान्हवी पहिलो महिला इन्डियन एयरफोर्स पाइलट गुञ्जन सक्सेनाको भूमिका निर्वाह गर्नेछिन् ।

जान्हवी कपूरले यस फिल्ममा रहेको उनको भूमिकाको लागि अहिलेबाटै तयारी सुरु गरिसकेकी छिन् । साथै गुञ्जन सक्सेनासँग भेटघाट पनि गरिरहेकी छिन् । उनी अहिले गुञ्जनको बोली व्यवहार र चालचलन हेर्दै त्यही अनुसार अभ्यास गरिरहेकी छिन् ।

जान्हवी अभिनित यस फिल्मको छायाँकंनको काम अर्को वर्षबाट सुरु हुनेछ । करण जोहरको निर्माणमा बन्ने यस फिल्मको निर्देशन कस्ले गर्ने भन्नेबारे भने अहिले टुंगो लागिसकेको छैन ।

अहिले जान्हवी कपूर जुन रफ्तारमा धर्मा प्रोडक्सनका फिल्महरु एक पछि अर्को गर्दै साइन गरिरहेकी छिन् । त्यो हेर्दा लाग्छ उनी अब करण जोहरले नै बलिउड डेब्यू गराएकी अर्की अभिनेत्री आलिया भट्टलाई टक्कर दिन सक्नेछिन् ।

यस अघिसम्म करण जोहरका लागि पहिलो रोजाइकी अभिनेत्री आलिया भट्ट थिइन् भने अहिले करणको पहिलो रोजाइमा जान्हवी कपूरलाई राखेका छन् । अब बलिउड फिल्म उद्योगमा धर्मा प्रोडक्शन क्याम्पकी अभिनेत्री आलिया भट्ट वा जान्हवी कपूर मध्ये कुन अभिनेत्री सफलताको दौडमा अगाडि हुनेछिन त्यो त आगामी दिनमै थाहा हुनेछ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्