दीपालाई दीपकले भने, ‘तिमी मलाई जेल पठाउने कुरा नगर’

भदौ २९, २०७५ शुक्रबार १२:१८:४० | उज्यालो सहकर्मी

काठमाडौं – दीपाश्री निरौलाको निर्देशन रहेको सिनेमा छक्का पञ्जा–३ का दुईवटा गीत सार्वजनिक भैसकेका छन् । सिनेमाको ट्रेलर भने निर्माण पक्षले सिनेमा प्रदर्शनमा आउनु भन्दा केही दिन अगाडि मात्रै गर्ने बुझिएको छ ।

सार्वजनिक सिनेमाको पहिलो गीतले त युट्यूबमा छोटो समयमा एक करोड भन्दा धेरै पटक हेरिने गीतको रेकर्ड कायम गरेको छ । यहि खुशीमा निर्माण पक्षले केक पनि काटिसकेको छ ।

यो गीतलाई सार्वजनिक भएको ३७ दिनमै एक करोड भन्दा धेरै पटक हेरिएको हो । यस अघि यो रेकर्ड सिनेमा दुई रुपैयाँको कुटुमा कुटुले राखेको थियो ।

यो गीतलाई ४७ दिनमा एक करोड भन्दा धेरै पटक हेरिएको थियो । सोमबार मात्रै छक्का पञ्जा ३ मा समावेश दोस्रो गीत पछि उमेर ढल्किन्छ सार्वजनिक भएको छ । सिनेमाको दोस्रो गीत सार्वजनिक भएसँगै सिनेमाको प्रचारमा तिव्रता देखिएको छ ।

दीपक र दीपालाई हामीले पहिलो नम्बर लाई एक करोड पटक हेरिएको खुशीमा गरिएको सेलिब्रेशनमा फेला पारयौँ र केही कुराकानी पनि गर्यौँ ।

कुराकानीको क्रममा दीपक र दीपाले आफूहरुको सम्बन्धको बारेमा कुरा गरे ।
उनीहरुले एकले अर्कालाई दिएको साथको खुलेर प्रशंसा पनि गरे ।

उनीहरुको सम्बन्धको चर्चा नेपाली सिने बजारमा हुने गर्दछ । रेडियो नेपालको राम विलास र धनियाँबाट सुरु भएको उनीहरुको जोडी तितो सत्यमा पनि एक साथ देखियो ।

टेलिसिरियलमा एक साथ देखिएपछि उनीहरुलाई धेरैे वास्तविक जीवनकै श्रीमान् श्रीमती भन्ने ठाने । हुन त दीपा र दीपकले आफूहरु प्रेममा रहेको कुरा कहिल्यै लुकाएका छैनन् । दीपाले त आफू दीपकसँग विवाह गर्न तयार भएको बताउँदै आएकी छिन् ।

दीपाका केही शुभ चिन्तकहरुले पनि उनलाई दीपकसँग विवाह गर्न सुझाव दिन्छन् । दीपाले हामीसँगको कुराकानीमा पनि दीपककै अगाडि आफू विवाहको लागि तयार भएको बताउँदै दीपकलाई तिमी तयार छौ ? भनेर प्रश्न गरिन् । यसको जवाफमा दीपकले भने, देशमा भर्खरै मुलुकी ऐन बनेको छ मलाई जेल पठाउने कुरा नगर्नु न ।

दीपकले यसो भन्दा दीपा भने मुस्काइन् ।

–उज्यालो र गफगाफ डटकमको सहकार्य

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्