शिक्षा–स्वास्थ्य क्षेत्रमा धनी र गरिबका बीचमा हुने विभेद अन्त्य हुनुपर्छ : उपराष्ट्रपति

फागुन २७, २०७८ शुक्रबार १८:२६:५१ | उज्यालो सहकर्मी

काठमाण्डाै – उपराष्ट्रपति नन्दबहादुर पुनले शिक्षा र स्वास्थ्यको क्षेत्रमा धनी र गरिबका बीचमा हुने विभेदको अन्त्य हुनुपर्ने बताउनुभएको छ ।

आज शुक्रवार २४ औँ अन्तर्राष्ट्रिय आत्मसम्मान तथा आदर दिवसको अवसरमा काठमाण्डाैमा आयोजित कार्यक्रममा बोल्दै उपराष्ट्रपति पुनले शिक्षा र स्वास्थ्यमा धनी र गरिबका बीचमा विभेद भएकाले अन्त्य हुनुपर्ने बताउनुभएको हो । धनीका छोराछोरीले शिक्षा र स्वास्थ्यमा प्रशस्त अवसरहरू पाएको भए पनि गरिबहरूले यस्तो अवस्थाबाट वञ्चित हुनुपरेको उहाँले बताउनुभयो । सबैले विना भेदभाव सर्वसुलभ रूपमा उपचार र शिक्षा पाउनुपर्ने उहाँले बताउनुभयो ।

उपराष्ट्रपति पुनले भन्नुभयो, ‘धनी र गरिब भएकै कारण कसैले उपचार पाउने, कसैले उपचार नपाउने जस्ता समस्याको अन्त्य हुनुपर्छ । विभेदको अन्त्य हुनुपर्दछ । उपचारजस्तो कुरामा सबैको हक समान हुनुपर्छ । हामीले संविधानमा व्यवस्था गरे पनि व्यवहारमा लागू हुन सकिरहेकाे छैन । हुनेखानेका छोराछोरी ठुल्ठुला स्कुलमा र विदेशमा पढ्न जाने अवस्था छ तर गरिबहरू पढ्न नपाएर शिक्षाबाट पनि वञ्चित भएको अवस्था छ ।’

उपराष्ट्रपति पुनले कुष्ठरोग प्रभावित सबै व्यक्तिहरूप्रति समान भाव व्यक्त गर्न र सहयोग गर्न पनि आग्रह गर्नुभयो । कुष्ठ रोगको निर्मूल र प्रभावकारी उपचारका लागि उहाँले सरकारको ध्यानाकर्षण गराउनुभयो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्