राधाकृष्ण बुढ्थापा घटनाको छानबिनमा स्थानीय असन्तुष्ट

भदौ ३०, २०७५ शनिबार १७:१३:५० | नेत्र शाही

जुम्ला - गएको साउन २० गते भएको नयाँ शक्ति नेपाल जुम्लाका नेता बुढ्थापाको घटनाको उच्च स्तरीय छानबिन समितिले एक सातामा जुम्लामा गरेका कामको जानकारी गराएको छ ।

गृहमन्त्रालयका सहसचिव गोपाल प्रसाद अर्यालकोे संयोजकत्वमा ६ सदस्यीय टोली सत्य छानबिनका लागि भदौ २० गते जुम्ला पुगेको थियो ।

बुढ्थापाको घटना प्रकरणबारे छानबिन गर्न बनेको उच्चस्तरीय छानबिन समितिको टोलीले एक साताभरि गरेको काम बारेमा सार्वजानिक गरेको प्रतिवेदनमा केही आशंकाहरु हटाउनुपर्ने भन्दै भएका कामहरुको पत्रकारसहित राजनैतिक दल र सर्वपक्षीय बैठकमा जानकारी गरिएको हो ।

छानबिन समितिले सुनाएको प्रतिवेदनमा भने स्थानीयले रोष प्रकट गरेका छन् ।

उनीहरुले अब सरकारसँगको आशा निराशामा बदलिएको बताएका छन् । तर छानविन समितिले भने यो अन्तिम प्रतिवेदन नभई साराँशमा भ्रम भएका विषयहरुलाई हटाउन जानकारी गरिएको बताएको छ ।

समितिले गरेको कामको विषयमा वोल्दै नेकपाका नेता पूर्णप्रसाद धितालले तथ्य तोडमोड गरिए राम्रो नहुने बताउनुभयो ।

नेपाली कांग्रेसका गौरीनन्द आचार्यले छानबिन समितिको प्रतिवेदनले प्रहरीको पूर्ण बचाउ गरेको भन्दै यस्तै हो भने राज्यमाथीको विश्वास टुटदै गएको बताउनुभयो ।

मृतका आफन्त बिजय वुढ्थापाले घटनाको समयमा होटल स्विच नगरिनु, घाँटीमा सलले उद्धार गरिएको प्रतिवेदनमा नआएको आक्रोस गर्नुभयो ।

छानविनि समितिले भने घटना अदालत पुगिसकेकाले भने धेरै कुरा भन्न नमिल्ने र अदालतले सत्य कुराको न्याय दिने दावी गरेको छ ।

समितिले निस्कर्ष सहितको अन्तिम प्रतिवेदन भने गृहमन्त्रालयलाई तोकिएको १५ दिन भित्र उपलब्ध गराउने बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्