राष्ट्रपति भण्डारीद्वारा पाँचपोखरी थाङपाल भ्याली विद्यालयको उद्घाटन

चैत २०, २०७८ आइतबार १६:५:१६ | किरण थापा

सिन्धुपाल्चोक – राष्ट्रपति विद्यादेवी भण्डारीले पाँचपाेखरी थाङपाल भ्याली विद्यालयको उद्घाटन गर्नुभएकाे छ । पाँचपोखरी थाङपाल गाउँपालिका ४ मा बनेको ५४ कोठे विद्यालय भवनकाे आज आइतवार उद्घाटन गर्दै राष्ट्रपति भण्डारीले यसले शिक्षा क्षेत्रको विकासमा सहयोग पुग्ने बताउनुभयो ।

कार्यक्रममा शिक्षा विज्ञान तथा प्रविधि मन्त्री देवेन्द्र पौडेलले यस्तो खालको संरचनाले भविष्यमा शिक्षा क्षेत्रको विकास गरी गुणस्तरीय शिक्षा प्रदान गर्न सहज हुने बताउनुभयाे । सरकारी विद्यालयलाई भौतिक तथा शैक्षिक विकास गर्न सरकार प्रतिबद्ध रहेको उहाँले आश्वासन दिनुभयाे । सरकारी विद्यालयमा गुणस्तरीय शिक्षा हुँदैन भन्ने भ्रमलाई चिर्नुपर्नेमा पनि उहाँले जोड दिनुभयाे ।

एसियाली विकास बैंक (एडीबी) काे २४ कराेड रुपैयाँ सहयोगमा बनेको विद्यालयमा दुई हजार जना विद्यार्थी पुर्‍याउने गाउँपालिकाको योजना रहेको गाउँपालिकाका अध्यक्ष टासि लामाले बताउनुभएको छ । शिक्षा क्षेत्रको गुणस्तर वृद्धि गर्नुका साथै विद्यालयलाई प्रविधिमैत्री बनाइ गुणस्तरीय शिक्षा प्रदान गर्न विद्यालय एक कोशेढुङ्गा भएको उहाँले बताउनुभयो ।

कार्यक्रममा शिक्षा सचिव यादवप्रसाद कोइरालाले यो अभ्यासको अरूले पनि अनुसरण गरेमा अझै प्रभावकारी हुने धारणा राख्नुभयाे । यस्तै सिन्धुपाल्चोक क्षेत्र नम्बर २ का सांसद तथा पूर्वमन्त्री शेरबहादुर तामाङले राजनीति फरक पाटो भएकाले विकासका काममा सबै एक भएर लाग्नुपर्ने बताउनुभयाे ।

बाग्मती प्रदेशभित्र वृहत् विद्यालयका रूपमा सञ्चालनमा आएको थाङपाल भ्याली विद्यालय प्रदेशभित्रकै दोस्रो विद्यालय हो । पालिकाभित्रको रैथानेश्वरी मावि, चिलाउने मावि, टालटुलेश्वरी आधारभूत विद्यालय र तीन कन्या आधारभूत विद्यालय गाभेर वडा नम्बर ४ काे थाङपालकोटमा एउटै नमुना विद्यालय बनाइएको हो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्