वायुसेवा निगमको कार्यकारी अध्यक्षमा मदन खरेल, कंसाकारलाई नैतिक संकट

भदौ ३१, २०७५ आइतबार २३:५५:१६ | अर्जुन पोख्रेल

काठमाडौं - सरकारले मदन खरेललाई नेपाल वायुसेवा निगमको कार्यकारी अध्यक्ष बनाएको छ । आज बसेको मन्त्रिपरिषदको बैठकले मदन खरेललाई निगमको कार्यकारी अध्यक्षमा नियुक्त गरेको सूचना तथा सञ्चार प्रविधिमन्त्री गोकुल बास्कोटाले जानकारी दिनुभयो ।

गएको शुक्रबार सरकारले झापाका खरेललाई निगमको सञ्चालक समिति सदस्यमा नियुक्त गरेको थियो । अब खरेलले सरकारले दिएको जिम्मेवारी अनुसार निगमको व्यवस्थापकीय काम गर्नुहुनेछ ।

कार्यकारी अध्यक्षका रुपमा खरेल आइसकेपछि हालका निगमका महाप्रबन्धक सुगतरत्न कंसाकारलाई पद छाड्न नैतिक दवाब परेको छ । अब खरेलको मातहतमा रहेर काम गर्ने या राजीनामा दिनेमध्ये दुईवटा विकल्प कंसाकारसँग रहेका छन ।

२०७० सालमा निगमको महाप्रबन्धक भएका खरेलले एक वर्ष नपुग्दै राजीनामा दिनुभएको थियो । त्यतिबेला सरकारले उहाँलाई काम गर्न नसकेको आरोप लगाएको थियो । तर खरेलले भने ट्रेड युनियनको दबाबका कारण राजीनामा दिएको बताउँदै आउनुभएको थियो ।

अहिले कंसाकारलाई पनि २४ अर्ब रुपैयाँमा २ वटा वाइडबडी जहाज ल्याउँदा अनियमितता गरेको आरोप लागेको छ ।

यस्तै निगमको बजार विस्तार गर्न नसकेको आरोप पनि लागेको छ । सरकारले सोझै हटाउँदा विवाद हुने डरले खरेललाई कार्यकारी अध्यक्ष बनाएर कंसाकारलाई दबाबमा राख्न खोजेको बुझिएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्