चीनले सोलोमन आईसल्याण्डसँग सुरक्षा सम्झौता गरेपछि अस्ट्रेलिया, न्यूजिल्यान्ड र अमेरिकाको चिन्ता

वैशाख ८, २०७९ बिहीबार ७:९:४० | एजेन्सी

चीनले सोलोमन आईसल्याण्डसँग सुरक्षा सम्झौता गरेको छ । दुई देशबीच यसै हप्ता सुरक्षा सम्झौतामा हस्ताक्षर भएपछि अस्ट्रेलिया, न्यूजिल्यान्ड र अमेरिकाले प्रशान्त क्षेत्रको सुरक्षाबारे चिन्ता व्यक्त गरेका छन् ।

सम्झौताका सर्तहरु सार्वजनिक भएका छैनन् । तर सम्झौतामा चिनियाँ युद्धपोत सोलोमन आईसल्याण्डमा तैनाथ गर्न अनुमति दिइने र शान्ति कायम राख्ने सहयोग आवश्यक भएमा चीनले सुरक्षा फौज पठाउन सक्ने उल्लेख गरिएको अस्ट्रेलियाको दाबी छ । यसअघि चीनसँगको सम्झौता रोक्न अस्ट्रेलिया सरकारले गरेको प्रयासमा सोलोमन आईसल्याण्डले अस्वीकार गरेको थियो । अस्ट्रेलिया सोलोमन आईसल्याण्डको सबैभन्दा ठूलो दातृराष्ट्र हो । सोलोमन आईसल्याण्डका प्रधानमन्त्री मुनासे सोगुभारेले यो सम्झौताले प्रशान्त क्षेत्रको शान्ति र सद्भाव नबिथोल्ने दाबी गर्नुभएको बीबीसीले जनाएको छ ।

अस्ट्रेलियाको विपक्षी दल लेबर पार्टीले यो सम्झौतालाई विगत ८० वर्षयताकै अस्ट्रेलियाली विदेश नीतिको सबैभन्दा खराब असफलताको संज्ञा दिएको छ । प्रधानमन्त्री स्कट मोरिसनले सरकारको कूटनीतिक असफलताबारेको आरोपलाई अस्वीकार गर्नुभएको छ । न्यूजिल्यान्ड र अमेरिकाले पनि सोलोमन आईसल्याण्डले चीनसँग गरेको सम्झौताबाट दुःखी बनाएको प्रतिक्रिया दिएका खबरमा उल्लेख छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्