सगरमाथा आरोहणका लागि वैकल्पिक बाटो खोज्न सुरु

वैशाख १०, २०७९ शनिबार १८:३४:६ | सुवास दर्नाल

सोलुखुम्बु – सगरमाथा आरोहणका लागि वैकल्पिक बाटोकाे खोजी सुरु गरिएको छ । ७० वर्षीय फ्रान्सेली नागरिक माक बटर र खुम्बु पासाङल्हमु गाउँपालिका १ बुप्साका पासाङ नुरु शेर्पाले नुप्चे हिमाललाई आधार मानी खुम्बु आइसफलको विकल्पको बाटो खोजी तथा निर्माण कार्य थालेका हुन् ।

माक बटर १६ वर्ष पहिला अक्सिजन बिना सगरमाथाकाे आरोहण गरेका व्यक्ति हुन भने शेर्पा १७ पटक सगरमाथा आरोहण गरेका व्यक्ति हुन् । उनीहरुले अहिलेको सगरमाथा आरोहण गर्ने सिजनबाट बाटो खोजी तथा निर्माण कार्य सुरु गरेको दलका सदस्य पासाङ नुरु शेर्पाले जानकारी दिनुभयाे । खुम्बु आइसफल बाटो ज्यादै कठिन र दुर्घटना अत्यधिक हुने भएका कारण पीडालाई सहज होस् भन्ने उद्देश्य स्वरुप बाटो खोजी तथा निर्माण गर्ने नुरु शेर्पाले बताउनुभयाे ।

बाटो खोजी तथा निर्माण कार्य नुप्से हिमाललाई आधार मानी खुम्बु आइसफललाई छलेर उक्त बाटो क्याम्प १ मा जोड्ने र क्याम्प १ बाट पुरानो बाटो नै प्रयोग गरेर शिखर चुम्ने उद्देश्य राखिएको छ । माक बटरले भने खुम्बु आइसफलकाे विकल्प दिएर बिना अक्सिजन सगरमाथा आरोहण गर्ने उद्देश्य राखेको बताउनुभयाे ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्