दीपिका पादुकोण छिट्टै निर्देशक मेघना गुल्जारको फिल्ममा अाउँदै

असोज २, २०७५ मंगलबार १४:४९:३३ | उज्यालो सहकर्मी

अभिनेत्री दीपिका पादुकोण फिल्म ‘पद्मावत’ पछि कुनै पनि फिल्ममा देखिएकी छैनन् । तर अब भने दीपिकालाई निर्देशक मेघना गुल्जारको फिल्ममा देख्न सकिनेछ ।
मेघना गुल्जारले अभिनेत्री आलिया भट्टलाई लिएर फिल्म ‘राजी’ जस्तो सफल फिल्म निर्देशन गरिसकेकी छिन् । यस फिल्ममा मेघनाले गरेको कामको दर्शक तथा समीक्षकले समेत सराहना गरेका थिए ।

मेघना गुल्जार अब बन्ने नयाँ फिल्मका लागि अभिनेत्रीको खोजीमा छिन् । उनले यस फिल्मका लागि अभिनेत्री दीपिका पादुकोणलाई साइन गर्न सक्ने खबर यतिबेला आइरहेका छन् । तर उनले फिल्मको विषयवस्तु तथा दीपिकाले साइन गरिसकेको बारेमा कुनैपनि आधिकारिक घोषणा भने गरिसकेकी छैनन् ।

दीपिकाले फिल्म ‘पद्मावत’ पछि कुनै पनि फिल्म साइन गरेकी छैनन् । उनले यसो गर्नुको पछाडि यसै वर्ष दीपिका र अभिनेता रणवीर सिंहको विवाहलाई बताइएको थियो । तर अहिले सार्वजनिक खबरहरुका अनुसार दीपिका पादुकोण मेघनाको यस फिल्ममा काम गर्न निकै उत्साहित भइरहेको बताइएको छ ।

केही समय अगाडि दीपिकालाई फिल्म ‘चालबाज’ को रिमेकका लागि प्रस्ताव राखिएको खबरहरु आएका थिए । फिल्म ‘चालबाज’ मा अभिनेत्री श्रीदेवीले दोहोरो भूमिका निर्वाह गरेकी थिइन् ।

यसै फिल्मको रिमेकमा निर्माताहरु दीपिकाका साथ काम गर्न चाहिरहेका थिए । यतिबेला मेघनाको अब बन्ने फिल्म ‘चालबाज’ नै रहेको अनुमान भारतीय मिडीयाहरुले लगाइरहेका छन् भने दीपिका पादुकोण श्रीदेवीले यसअघिको ‘चालबाज’मा निर्वाह गरेको भूमिकामा देखिने खबर यतिबेला चर्चाको विषय बनेको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्