सांसदलार्इ ज्यान मार्ने धम्की दिँदै चन्दा माग्ने चारजना जेल चलान

असोज २, २०७५ मंगलबार २०:१३:५० | उज्यालो सहकर्मी

कास्की – ‘मनोज पुनको मान्छे हुँ’ भन्दै गण्डकी प्रदेशका सांसद विन्दुकुमार थापालाई ज्यान मार्ने धम्की दिएको आरोपमा पक्राउ परेका ४ जनालाई जिल्ला अदालत कास्कीले कारागारको सजाय सुनाएको छ ।

कास्की क्षेत्र नम्बर २ (ख) बाट निर्वाचित सांसद तथा उद्योगीसमेत रहेका थापालाई धम्की तथा ज्यान बन्धक गर्ने धम्की दिएको आरोपमा पक्राउ परेका स्याङ्जा टक्सारका नरबहादुर गुरुङ (शंकर), विवश थापा भन्ने अमृत खड्कालाई ५ वर्ष कैद र ५० हजार रुपैयाँ सजाय तोकिएको छ ।

त्यसैगरी रामु सुवेदी र शिवबहादुर कार्कीलाई ४ वर्ष कैद र ५० हजार रुपैयाँ सजाय सुनाइएको अदालतका श्रेष्तेदार जगन्नाथ पौडेलले जानकारी दिनुभयो । उनीहरुले थापासँग २ करोड रुपैयाँ माग गर्दै विभिन्न नम्बरबाट फोन गरेर धम्क्याउँदै आएका थिए । सोही समूहले उद्योगी कालु गुरुङसँग समेत १० करोड रुपैयाँमा माग गर्दै आएको थियो ।

उनीहरुलाई अपहरण तथा शरीर बन्धक उद्योग अन्तरगत मुद्दामा चलाइएको थियो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्