यस सिजनको सगरमाथा आरोहणमा दुई जनाको ज्यान गयो

जेठ ५, २०७९ बिहीबार १०:११:५६ | सुवास दर्नाल

सोलुखुम्बु - सगरमाथा आरोहणको क्रममा एक विदेशी र एक नेपाली गरी दुई जनाको ज्यान गएको छ । यस सिजनमा सगरमाथा आरोहण गर्ने क्रममा एक नेपाली सहयोगी र एक विदेशी आरोहीको ज्यान गएको पर्यटन विभागका निर्देशक सूर्यप्रसाद उपाध्यायले जानकारी दिनुभयो ।

उहाँका अनुसार कञ्चनजङ्घामा पनि एक भारतीय र धौलागिरिमा एक नेपाली सहयोगीको ज्यान गएको छ । ज्यान जानुको कारण खुल्न बाँकी छ । यसपालि आरोहीका लागि मौसम अनुकूल नै भएको निर्देशक उपाध्यायले बताउनुभयो । उहाँका अनुसार अहिलेसम्म ८० प्रतिशत आरोहण दलको अभियान सकिएको छ।

केही टोली काठमाण्डाै फर्किएर पर्यटन विभागमा ब्रिफिङसमेत सकेका छन् । केही टोली भने आरोहणकै सिलसिलामा छन् । यो वर्ष अनुकूल मौसम र ठूलो अप्रिय घटना नभएका कारण आरोहीको सफलता दर पनि बढी छ । यो वर्ष सगरमाथा आरोहणका लागि ४२ समूहका ३१९ जनाले अनुमति लिएका थिए ।

कुल १२३ समूहका ९६८ जना आरोहीले हिमाल चढ्न अनुमति लिएका थिए । पर्यटन विभागका अनुसार यो सिजनमा सरकारले ४८ करोड रुपैयाँ रोयल्टी सङ्कलन गरेकोे छ । जसमध्ये सबैभन्दा धेरै ३९ करोड ९५ लाख रुपैयाँ रोयल्टी सगरमाथाबाट उठेको छ ।

ल्होत्से हिमालबाट दुई करोड ८४ लाख र कञ्चनजङ्घा हिमालबाट एक करोड ३० लाख रुपैयाँ रोयल्टी उठेको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्