कांग्रेसले पनि माओवादी केही हाेइन भन्याे भने एमालेलाई जस्तै ठेगान लगाइन्छ : प्रचण्ड

जेठ १८, २०७९ बुधबार १५:५८:१४ | उज्यालो सहकर्मी

काठमाण्डाै – नेकपा (माओवादी केन्द्र) का अध्यक्ष पुष्पकमल दाहाल प्रचण्डले सत्तारूढ दल नेपाली कांग्रेसलाई ठूलो पार्टी हुनुमा घमण्ड नदेखाउन आग्रह गर्नुभएको छ ।

आज बुधवार काठमाण्डाैमा आयोजना भएको माओवादी केन्द्रबाट जितेका पालिकाका जनप्रतिनिधिका लागि अभिमुखीकरण कार्यक्रमको उद्घाटन सत्रमा सम्बोधन गर्दै अध्यक्ष दाहालले चुनावमा ठूलाे दल भएकाेमा घमण्ड र अहङ्कार नदेखाउन कांग्रेसलाई आग्रह गर्नुभएको हो । उहाँले विगतमा एमालेलाई अहङ्कार आएको उल्लेख गर्दै कांग्रेसमा पनि एमालेको जस्तै अहङ्कार आउने हो कि भन्ने डर देखिएकाे बताउनुभयो ।

अध्यक्ष दाहालले कांग्रेसमा घमण्ड र अहङ्कार चुलिएर माओवादीलाई केही पनि होइन भनेमा एमालेलाई जस्तै ठेगान लगाउने चुनौती दिनुभयो । उहाँले भन्नुभयो – ‘हामीलाई मानिसहरूले कहिलेकाहीँ व्यङ्ग्य पनि गर्छन् । माओवादी आफैँ त केही गर्दैन कहिले एमालेलाई ठूलो बनाउँछ, कहिले कांग्रेसलाई ठूलो बनाउँछ भन्छन् । कहिले एमालेको दम्भ बढाइदिन्छ, अहङ्कार बढेर चरम चुलीमा पुग्छ र कसैलाई मान्छे नगन्ने बनाइदिन्छ, कहिले कांग्रेसलाई भन्ने आरोप पनि छ हामी माओवादीलाई । हिजो एमालेसँग गठबन्धन गर्दा उसलाई यति धेरै अहङ्कार आयो कि उसले नेतृत्वमा सबै हामी नै हो भनेजस्तो गर्‍याे । हामी एमालेविरुद्ध विद्रोह गर्नुपर्ने ठाउँमा पुग्याैँ । अहिले कांग्रेस पनि फेरि त्यस्तै होला कि भन्ने डर देखिएकाे छ । कांग्रेसमा पनि एमालेजस्तै अहङ्कार र दम्भ चुलिएर माओवादी केही नि होइन भन्याे भने उसलाई पनि एमालेलाई ठेगान लगाएजस्तै लगाउने दिन नआओस् ।

अध्यक्ष दाहालले काठमाण्डाै र धरानमा स्वतन्त्र उम्मेदवारलाई जिताएर नागरिकले माओवादी केन्द्रलाई पाठ सिकाएको बताउनुभयो । चुनाव जित्ने स्वतन्त्र उम्मेदवारहरूले माओवादीको जस्तो कुरा गरेका कारण नागरिकले मत दिएका उहाँले जिकिर गर्नुभयो । उहाँले देशमा अझै कैयौँ दशकसम्म पार्टीहरूले नै राज्य गर्ने उल्लेख गर्दै पार्टी प्रणालीलाई कमजोर बनाएर स्वतन्त्रको राज्य नचल्ने बताउनुभयो ।

अध्यक्ष दाहालले गठबन्धन कायम रहने स्पष्ट पार्दै माओवादी केन्द्रलाई हल्का रूपमा नलिन पनि चेतावनी दिनुभयो । उहाँले माओवादी केन्द्रले जितेका पालिकाहरूमा पार्टीको आधार इलाका हुने गरी काम गर्न निर्देशनसमेत दिनुभयो ।

अन्तिम अपडेट: पुस १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

kiran limbu
June 1, 2022, 5:14 p.m.
17000 मारेर अझै पनि राजनीतिको फोहोरी खेलमै ब्यस्त छन । कुकुर को पुछार 12 वर्ष ढुङ्रामा राखेनि प्रचन्ड को प्रचन्ड भएपछि एस्तै,ठेगान लाउने ,सिद्ययाउने सोच मात्र अाउछ। सूध्रिने त छाँटकाँट नै छैन।अब मर्ने बेला पनि भयो थोरै भएपनि देश को लागि राम्रो गरेर मर्नु नि मर्दा पनि जन्ता का आसु ,पीडा, स्राप खायेर,लागेर मर्ने भयो।😏
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कांग्रेसले पनि माओवादी केही हाेइन भन्याे भने एमालेलाई जस्तै ठेगान लगाइन्छ : प्रचण्ड

1 Comments

kiran limbu

तपाईको प्रतिक्रिया

तपाईको प्रतिक्रिया