विद्यालय आफैँले बनाएको एप सार्वजनिक, अब अभिभावकले घरबाटै गर्नेछन् बालबालिकाकाे निगरानी

जेठ २१, २०७९ शनिबार २०:६:१० | किरण थापा

सिन्धुपाल्चोक – मेलम्ची कम्युनिटी सेकेन्डरी इङ्ग्लिस स्कुल आफैँले एप्लिकेशन बनाएको छ । आज शनिवार एक कार्यक्रमकाबीच एप्लिकेशन सार्वजनिक गरिएको छ ।

केही विद्यालयहरूले अरूले बनाएको एप्लिकेशन प्रचलनमा ल्याएको भए पनि विद्यालय आफैँले बनाएको यो पहिलो एप्लिकेशन भएको विद्यालयका अध्यक्ष दिनेश बस्नेतले जानकारी दिनुभयो । विद्यालयको सूचना प्रविधि शाखाको पहलमा एप्लिकेशन तयार भएको हो ।

यस एप्लिकेशनबाट अभिभावकले घरमै बसेर आफ्ना बालबालिकाको निगरानी गर्न सक्नेछन् । एप्लिकेशनमा शिक्षकको पाठ योजना, गृहकार्य, विद्यार्थीको हाजिरीलगायतको जानकारी रहेको विद्यालयले जनाएको छ । एप्लिकेशनको सुरुवात भएसँगै अब अभिभाकहरूले आफ्नो बालबच्चाको बारेमा बुझ्न विद्यालयमै धाउन पर्ने छैन । विद्यालयले हरेक दिन एप्लिकेशनमा विद्यार्थीको क्रियाकलापबारे अद्यावधिक गराइराख्ने छ ।

Smartmcses नाम गरेको एप्लिकेसन प्ले स्टोर र एप स्टोरबाट डाउनलोड गर्न सकिने विद्यालयले जनाएको छ ।

एप्लिकेशन सार्वजनिक गर्दै विद्यालयले अभिभावकहरूलाई उत्प्रेरणा कार्यक्रम पनि गरेको छ । यस्तै विद्यालयले मेलम्ची नगरपालिकाका नवर्निवाचित जनप्रतिनिधिलाई सम्मान पनि गरेको छ । कार्यक्रममा बोल्दै नगरपालिकाका मेयर आइतमान तामाङले सामुदायिक र सरकारी विद्यालयहरूले गुणस्तरीय र व्यावहारिक शिक्षामा जोड दिनुपर्ने बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्