नेपाली व्यापारीले नबेच्ने रक्सी खाएका थिए मलेसियामा ज्यान गुमाउनेहरुले

 असोज ५, २०७५ शुक्रबार १३:५८:१९ | मेरो कथा मेरो भोगाई
unn.prixa.net

मलेसियामा ज्यान गुमाउने र बिरामी हुनेहरूले यही ब्राण्डका रक्सी पिएका थिए ।

दिल केरुङ लिम्बू 

मैले मलेसियामा व्यापार गर्न थालेको १५ वर्ष भयो । यो भन्दा अगाडि रक्सी नै खाएर नेपालीको ज्यान गएको सुनेको थिइन । 

किङफिसर बियर अहिले मलेसियाको बजारमा छैन । मलेसियासँग मतभेद भएर हुनसक्छ, यहाँ भारतीय उत्पादन किङफिसर बियर बन्द भएको छ । ग्राण्ड रोयल ह्विस्की ब्राण्डेड र महँगो रक्सी हो । त्यसैले यहाँ ग्राण्डको नक्कली रक्सी उत्पादन हुन्छ । 

ज्यान गुमाएका र बिरामी नेपाली सहितका विदेशी कामदारले खाएको रक्सी नक्कली नै हुनुपर्छ । ग्राण्ड रोयलको नक्कली बजारमा छ्याप्छ्याप्ती पाइन्छ । मण्डले ह्विस्की चाहिँ म्यान्मारमा उत्पादन हुन्छ । 

नेपालीले त्यो रक्सी खान मन पराउँदैनन् । क्वाललाम्पुर तिर हामी त्यो रक्सी बेच्दैनौं । स्वास्थ्यका लागि धेरै हानिकारक भएको मैले सुनेको हुँ । ह्विस्की र बियर उनीहरुले स्थानीय बजारबाट किनेका रहेछन् । अहिले जुन ठाउँमा घटना भयो, अरु रक्सी नपाएर नै मण्डले ह्विस्की किनेर खाएको हुनुपर्छ । 

यस्ता कुराबाट जोगिन सस्तो रक्सी खोजी खोजी खाने बानी हटाउनु पर्छ । ब्रान्डको नाम लेख्दैमा सबै सक्कली हुँदैन । रक्सी खानु अघि सक्कली हो भन्नेमा ढुक्क हुनपर्छ । 

मलेसिया बाहिरबाट ल्याइएका ब्रान्डेड रक्सी र नक्कली रक्सी धेरै ग्राहकले छुट्याउन सक्दैनन् । पहिलो, मूल्य अन्तर र दोश्रो मलेसिया सरकारकाे भन्सार विभागले लगाएको स्टिकरबाट नक्कली र सक्कली रक्सी छुट्याउन सकिन्छ । 

(क्वाललम्पुरको कोतरायमा रहेको परदेश र दि गोर्खाज रेष्टुँराका सञ्चालक केरुङसँग रीतु थेबेले गरेको कुराकानीमा आधारित । )

याे पनि पढ्नुहाेस् 

मलेसियामा विषाक्त रक्सीको असर : सुरक्षा सतर्कता अपनाउन नेपाली दूतावासको आग्रह

अन्तिम अपडेट: मंसिर ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई