ठेकेदारलाई फेरि नदी दोहनको अनुमति !

असोज ५, २०७५ शुक्रबार १४:२१:२९ | किरण थापा

सिन्धुपाल्चोक – जिल्ला समन्वय समितिले बालुवा तथा गिट्टीजस्ता नदीजन्य पदार्थ निकाल्न पुनः अनुमति दिएको छ ।

नदीजन्य पदार्थको अनुगमन समितिकोे बैठकले सिन्धुपाल्चोकमा प्रारम्भिक वातावरणिय परीक्षण भइसकेका र ठेक्का प्रक्रिया पूरा भइसकेका नगर र गाउँपालिकाको हकमा ठेकेदार मार्फत नदीजन्य पदार्थ निकाल्न दिने सहमति भएको छ ।

यस्तै प्रारम्भिक वातावरणिय परीक्षण नभएका र ठेक्का प्रक्रियामा नगएको हकमा गाउँपालिककाको कर्मचारी राखेर नदीजन्य पदार्थ निकाल्न दिने निर्णय बैठकले गरेकोे जिल्ला समन्वय समितिका प्रमुख कृष्णगोपाल तामाङले जानकारी दिनुभयो ।

असार, साउन र भदौ गरी ३ महिना जिल्लामा रोकिएको नदीजन्य पदार्थ उत्खनन् खुलाउने विषयमा छलफल पछि यस्तो निर्णय भएको हो । जिल्लामा सञ्चालनमा रहेका क्रसर उद्योग तथा व्यक्तिहरुले पनि नदीजन्य पदार्थ उत्खनन् गर्दै आइरहेका छन् ।

यसरी गरिने नदी दोहनका कारण स्थानीय भने मारमा परेका छन् । तर जिल्ला समन्वय समितिले स्थानीयको कुरालाई बेवास्ता गर्दै फेरि पनि नदीजन्य पदार्थ उत्दनन गर्न अनुमति दिएकोमा स्थानीयहरु भने असन्तुष्ट रहेका छन् ।

सरकारले वर्षादको समयमा तीन महिनासम्म नदीजन्य पदार्थ उत्खननमा रोक लगाएको थियो । बैठकमा प्रमुख जिल्ला अधिकारी कृष्णप्रसाद अधिकारीले महत्वपूर्ण समन्वयकारी भूमिका निर्वाह गर्नुभएको थियो ।

अनुगमन समितिका संयोजक तथा जिससका प्रमुख कृष्णगोपाल तामाङले पुनर्निर्माणमा रहेका नागरिकहरुका लागि पनि तत्काल निर्णयमा पुग्नुपर्ने भएकाले सबै गाउँपालिकाका प्रमुख लगायत जिल्ला समिति बसेर यस विषयमा टुङ्गो लगाएको बताउनुभयो ।

यसअघि पनि जिल्ला समन्वय समितिका प्रमुखको नेतृत्वमा रहेको अनुगमन समितिले प्रभावकारी काम नगरेको आरोप लाग्दै आएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्