विद्यालय पुनर्निर्माणमा भारतको ५३ करोड, आफ्नै कन्सल्ट्यान्ट हुनुपर्ने भारतको शर्तले काम अघि बढेन

असोज ६, २०७५ शनिबार ९:७:३७ | किरण लोहनी

गोरखा – भूकम्पले भत्काएका गोरखाका १० विद्यालयको पुनर्निर्माणका लागि भारत सरकारबाट ५३ करोड रुपैयाँ प्राप्त भएको छ ।

लामो समयदेखि अन्यौलमा रहेका विद्यालय भवन पुनर्निर्माणका लागि यो वर्ष त्यो रकम प्राप्त भएको हो । भारत सरकारले विद्यालय लगायत संरचना पुनर्निर्माणका लागि दुई खर्ब रुपैयाँ सहयोग गर्ने घोषणा गरेको थियो ।

त्यही क्रममा नेपाल सरकारमार्फत राष्ट्रिय पुनर्निर्माण प्राधिकरण हुँदै शिक्षा अन्तर्गतको जिल्ला आयोजना कार्यान्वयन इकाईमा ५३ करोड रुपैयाँ प्राप्त भएको इकाई प्रमुख रामप्रसाद आचार्यले बताउनुभयो । रकम प्राप्त भए पनि तत्काल विद्यालयको पुनर्निर्माण भने नहुने भएको छ । ‘पैसा आए पनि भवन निर्माणको प्रक्रिया कसरी अघि बढाउने भन्नेबारे टुंगो लागेको छैन’, उहाँले भन्नुभयो, ‘भारतीय पक्षले आफैले कन्सल्ट्यान्ट छनौट गरी भवन निर्माण अघि बढाउने बताएको छ ।’

तर कन्सल्ट्यान्ट छनौट गरी नपठाएका कारण डीपीआर सकिएका ३ विद्यालयको भवन निर्माण सुरु हुन सकेको छैन । जिल्ला आयोजना कार्यान्वयन इकाईले तारा मावि छेवेटार, महालक्ष्मी मावि लक्ष्मीबजार र रत्नलक्ष्मी मावि डुम्रिडाँडाको डीपीआर तयार पारेको छ । डीपीआर भारतीय पक्षले स्वीकृत गरी टेण्डर प्रक्रिया समेत सुरु भैसकेको छ । तर भारतीय कन्सल्ट्यान्टमार्फत भवन निर्माण गर्नुपर्ने भारतीय शर्तका कारण अझै अन्यौल रहेको राष्ट्रिय पुनर्निर्माण प्राधिकरणका अधिकारीहरुले बताएका छन् । भारतले बनाउने १० मध्ये ६ विद्यालयको भने विस्तृत आयोजना प्रतिवेदन डीपीआर नै बनेको छैन ।

अमरज्योति जनता मावि लुइँटेलको डीपीआर भारतीय पक्षले अस्वीकृत गरेपछि फेरि नयाँ प्रतिवेदन बनाएर पठाइएको जिल्ला आयोजना कार्यान्वयन इकाईका प्रमुख आचार्यले बताउनुभयो ।

गण्डकी मावि थूमी, मञ्जुश्री मावि काशीगाउँ, कृष्णज्योति मावि गाँखु, सूर्योदय मावि घ्याल्चोक, बुद्ध मावि सिर्दिवास र जागेश्वर मावि बोर्लाङको भने डीपीआर नै बनेको छैन ।

भूकम्पलगत्तै भएको दातृ निकायको सम्मेलनका क्रममा गरेको सहयोगको प्रतिबद्धता अनुसार विद्यालय भवन निर्माणमा भारत सरकारले सहयोग गर्न लागेको हो । भवन बाहेक विद्यालयमा आवश्यक पर्ने अरु सबै पूर्वाधार पनि बन्ने गरी सम्झौता भएको शिक्षा अन्तर्गतको जिल्ला आयोजना कार्यान्वयन इकाईका प्रमुख आचार्यले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

1 Comments

Bachchu prasad koirala
Sept. 22, 2018, 10:45 a.m.
भारत हरेक बिषयमा नेपाललाई आफ्नो नियन्त्रन र निग्रानीमा राख्न निरन्तर प्रयत्न रहन्छ यो कार्य त्यसैको निरन्तरता हो .
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विद्यालय पुनर्निर्माणमा भारतको ५३ करोड, आफ्नै कन्सल्ट्यान्ट हुनुपर्ने भारतको शर्तले काम अघि बढेन

विद्यालय भवनकाे अभावमा पालमै पढिरहेका गाेरखाका विद्यार्थी

1 Comments

Bachchu prasad koirala

तपाईको प्रतिक्रिया

तपाईको प्रतिक्रिया