बजेटमाथि असन्तुष्टि राख्दै एमालेको विरोध, कर्णाली प्रदेश सभा बैठक स्थगित

असार १२, २०७९ आइतबार १८:३६:४६ | मुना हमाल

सुर्खेत – कर्णाली प्रदेश सरकारले आउँदो आर्थिक वर्ष २०७९÷८० का लागि ल्याएको बजेटमाथि प्रमुख प्रतिपक्ष दल नेकपा एमालेले असन्तुष्टि व्यक्त गर्दै विरोध गरेपछि प्रदेश सभाको बैठक स्थगित भएको छ ।

एमालेका प्रदेश सभा सदस्यहरूले बजेटमाथि असन्तुष्टि व्यक्त गर्दै आज आइतवार बसेको १८ औँ बैठकमा उभिएर नै विरोध जनाएपछि सोमवार दिउँसो ३ बजेसम्मका लागि बैठक स्थगित भएको हो । एमाले संसदीय दलका नेता यामलाल कँडेलले सरकारले आफूहरूसँगको सम्झौतालाई बेवास्ता गरेको, असन्तुलित बजेट ल्याएको भन्दै चर्को आलोचना गर्नुभयो ।

आउँदो वर्षको बजेटमा मन्त्रालयगत छलफल गर्ने बैठकमा कार्यसूची रहेको थियो । बैठक सुरु भएलगत्तै नेता कँडेलले बजेटमाथि असन्तुष्टि व्यक्त गर्दै सरकारको आलोचना गर्नुभयो । उहाँले यही अवस्थामा प्रतिपक्षको हैसियतले सरकारलाई सहयोग गर्न नसकिने बताउनुभयो । सभामुख राजबहादुर शाहीले प्रदेश सभा सदस्यहरूलाई बस्न पटक–पटक आग्रह गर्दा पनि उभिएर विरोध गरिरहेपछि सोमवार दिउँसो ३ बजेसम्मका लागि बैठक स्थगित भएको जानकारी दिनुभयो ।

कर्णाली प्रदेश सरकारले असार १ गते आउँदो आर्थिक वर्षका लागि ३२ अर्ब ६१ करोड ६१ लाख ६३ हजार रुपैयाँको बजेट ल्याएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्