स्वच्छता कायम नगरि सडक छेउछाउमा खानेकुरा बेच्नेलाई कारबाही गरिने

असार १५, २०७९ बुधबार ८:३४:४१ | उज्यालो सहकर्मी

काठमाण्डाै - खाद्य प्रविधि तथा गुण नियन्त्रण विभागले सरसफाइ र स्वच्छतामा ध्यान नदिइ सडक छेउछाउमा खानेकुरा बिक्री गरेको पाइए कारबाही गर्ने जनाएको छ ।

आज सूचना निकालेर विभागले स्वच्छता कायम नगरि व्यापार गर्नेलाई खाद्य ऐन २०२३ अनुसार कारबाही हुने चेतावनी दिएको हो ।

विभागले खानेकुरको बिक्री गर्दा सरसफाइमा ध्यान दिन र पञ्जा, मास्क, कपाल छोप्ने क्याप अनिवार्य प्रयोग गर्न आग्रह गरेको छ । स्वास्थ्यविज्ञले बर्खामा सरुवा रोगको जोखिम धेरै हुने भएकाले सकेसम्म सडक छेउछाउमा राखिएका खानेकुरा नखान र पानी उमालेर वा शुद्धीकरण गरेर मात्रै पिउन आग्रह गर्दै आएका छन् ।

यसैबीच, हैजाको रोकथाम नभएसम्म सडकमा पानीपुरी, चटपटे जस्ता खानेकुरा नराख्न र यस्ता खानेकुरा नखान काठमाण्डौ महानगरपालिकाले आग्रह गरेको छ ।

महानगरपालिकाले हिजोदेखि नै खुला रुपमा सडकमा खानेकुरा राखेर बिक्री गर्न रोक लगाएको छ । तर केही ठाउँमा बिक्री गरिरहेको पाइएकाले अनुगमन गरी हटाउने तयारी भइरहेको महानगरको स्वास्थ्य विभागका प्रमुख बलराम त्रिपाठीले जानकारी दिनुभयो । उहाँका अनुसार आजदेखि ठाउँ ठाउँमा अनुगमन टोली खटिने छ ।

हैजाको प्रकोप फैलिए कोरोना भाइरसको सङ्क्रमणभन्दा डरलाग्दो अवस्था आउन सक्ने भएकाले सडक छेउछाउमा खानेकुरा बेच्न रोक लगाइएको उहाँले बताउनुभयो । उहाँले अब अनुगमनका क्रममा महानगरपालिका भित्रका सडक छेउछाउमा खानेकुरा बेचेको पाइए कारबाही हुने पनि बताउनु भएको छ ।

पानी शुद्धीकरण नगरि तथा जथाभाबी खुल्ला राखिएका खानेकुराका कारण उपत्यकामा हैजा झन् फैलने जोखिम बढेको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्