निजगढमा कम क्षतिमा सुविधासम्पन्न विमानस्थल बनाउँछौं : प्रधानमन्त्री देउवा

असार १८, २०७९ शनिबार १४:०:४९ | उज्यालो सहकर्मी

काठमाण्डाै – प्रधानमन्त्री शेरबहादुर देउवाले निजगढमै अन्तर्राष्ट्रिय विमानस्थल बनाउने बताउनुभएको छ ।

गठबन्धनका शीर्ष नेतासहित प्रस्तावित निजगढ विमानस्थल क्षेत्रको निरीक्षणमा बारा पुग्नुभएका प्रधानमन्त्री देउवाले सञ्चारकर्मीसँग संक्षिप्त कुराकानी गर्दै प्राकृतिक श्रोतको कम क्षति हुने गरी अहिले प्रस्तावित भएको ठाउँमै विमानस्थल बनाइने बताउनुभयो । दुईवटा रनवेसहितको विमानस्थल बनाइने बताउँदै प्रधानमन्त्री देउवाले कसरी कम क्षतिमा विमानस्थल बनाउन सकिन्छ भनेर विज्ञसँग छलफल भइरहेको बताउनुभयो ।

यस्तै नेकपा माओवादी केन्द्रका अध्यक्ष पुष्पकमल दाहाल प्रचण्डले निजगढ विमानस्थल राष्ट्रिय गौरवको आयोजना रहेको भन्दै सर्वोच्च अदालतको फैसलाले विमानस्थल निर्माणमा रोक नलगाएको बताउनुभयो । नेकपा एकीकृत समाजवादीका अध्यक्ष मावधकुमार नेपालले पनि निजगढमै विमानस्थल बनाउनुपर्ने बताउनुभयो । सर्वोच्च अदालतको फैसलाले विमानस्थल बनाउने बाटो खोलेको भन्दै उहाँले प्राकृतिक स्रोत साधनको कम क्षति सहित निजगढमा विमानस्थल बनाउनुपर्ने बताउनुभयो ।

सर्वोच्च अदालतले प्रस्तावित निजगढ अन्तर्राष्ट्रिय विमानस्थल सम्बन्धी सरकारले अहिलेसम्म गरेका निर्णय विधिसम्मत नभएको भन्दै निर्णय खारेज गरेको छ । तर फैसलामा वातावरण र पूर्वाधार विकासबीच सन्तुलन कायम गरेर विमानस्थल निर्माण गर्न सकिने कानुनी व्याख्या गर्दै शीर्ष नेताहरुले निर्माणक्षेत्रको भ्रमणमा गएका हुन् ।

तस्बिर : प्रधानमन्त्री देउवाका प्रेस सल्लाहकार गाेविन्द परियारकाे फेसबुकबाट

अन्तिम अपडेट: माघ १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्