अर्थमन्त्रीमा जनार्दन शर्मालाई नै दोहोर्‍याउन देउवा र प्रचण्ड सहमत

साउन १५, २०७९ आइतबार १३:५६:१० | उज्यालो सहकर्मी

काठमाण्डाै – अर्थमन्त्रीमा जनार्दन शर्मालाई नै दोहोर्‍याउन प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्ड सहमत हुनुभएको छ ।

बजेट निर्माणमा अनधिकृत व्यक्तिलाई सहभागी गराएको र सीसीटीभी फुटेजसमेत डिलिट गरेको आरोप लागेपछि राजीनामा दिनुभएका शर्मालाई पुनः अर्थमन्त्री नै बनाउन प्रधानमन्त्री र देउवाबीच सहमति भएको प्रधानमन्त्रीको सचिवालयका एक अधिकारीले जनाएका छन् । प्रधानमन्त्री देउवाले समय मिलाएर शर्माको शपथका लागि राष्ट्रपतिसमक्ष सिफारिस गर्ने पनि बालुवाटार स्रोतले जनाएको छ ।
त्यसअघि माओवादी अध्यक्ष प्रचण्डले पार्टीको तर्फबाट शर्मालाई मन्त्रीमा नियुक्त गर्न प्रधानमन्त्री देउवालाई प्रस्ताव पठाउनुहुनेछ ।

शर्मामाथि छानबिन गर्न बनेको संसदीय अध्ययन विशेष समितिले शर्मालाई नै दोषी नठहर्‍याए पनि प्रष्ट सीसीटीभी फुटेज नदिएको, शर्मा र अनधिकृत व्यक्तिको कल डिटेल हेर्न नदिएको लगायतका विषय भने उल्लेख गरेको छ । समितिमा रहेका नेकपा एमालेका चार जना सांसदले फरक मत पनि राखेका छन् ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अर्थमन्त्रीमा जनार्दन शर्मालाई नै दोहोर्‍याउन देउवा र प्रचण्ड सहमत

फाइल तस्बिर

तपाईको प्रतिक्रिया