विश्वविद्यालयमा समयमै परीक्षा हुनुपर्छ, समयमै नतिजा निस्किनुपर्छ : मन्त्री पाैडेल

 साउन २६, २०७९ बिहीबार २०:२१:५९ | उज्यालो सहकर्मी
unn.prixa.net

फाइल तस्बिर

काठमाण्डाै – शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयहरूलाई क्यालेन्डर प्रणाली कडाइपूर्वक लागू गर्न आग्रह गर्नुभयो । बिहीवार काठमाण्डौमा नेपाल प्राध्यापक सङ्घले आयोजना गरेको ‘६० औँ वार्षिक दिवस/हीरक महोत्सव’ तथा ‘नेपालमा उच्च शिक्षा अवस्था र चुनौती विषयक गोष्ठी’ मा बोल्दै उहाँले यस्तो बताउनुभएको हो । 

शैक्षिक क्यालेन्डरअनुसार समयमै परीक्षा हुनुपर्ने र समयमै नतिजा निस्किनुपर्ने मन्त्री पौडेलको भनाइ छ । उहाँले भन्नुभयो, ‘सबै विश्वविद्यालयले प्राध्यापकहरूको सहयोगमा क्यालेन्डर प्रणाली लागू गरौँ । क्यलेन्डर प्रणाली लागू नहुँदा बेथिति भएको छ । जाँच भएको लामो समयसम्म परीक्षाको रिजल्ट ननिस्किने, परीक्षा हुन ढिलो हुने, उच्च शिक्षामा नेपालको पठनपाठन नियमित छैन भन्ने बाहिर म्यासेज गएको छ । विशेष अनुरोध छ, क्यालेन्डर प्रणाली कडाइपूर्वक लागू गरौँ । क्यालेन्डर प्रणाली लागू भयो भने विद्यार्थीलाई समयमा पढाइ हुन्छ, समयमा रिजल्ट निस्किन्छ भन्न सक्छौँ ।’ 

कार्यक्रममा बोल्दै मन्त्री पौडेलले विश्वविद्यालयमा तालाबन्दी नगर्न सरोकारवाला सबैलाई आग्रह गर्नुभयो । विश्वविद्यालयका पदाधिकारी, विद्यार्थी, कर्मचारी र प्राध्यापकहरूको मागको सम्बन्धमा वार्ता तथा सहमतिबाट हल खोज्नुपर्ने उहाँको भनाइ छ । उहाँले आशिंक, करारलगायतका प्राध्यापकहरूको समस्या समाधान गर्न प्रधानमन्त्रीसँग आग्रह पनि गर्नुभयो । 

एकपटकका लागि प्राध्यापकहरूको समस्या समाधान गरेर आउँदा दिनमा भने प्रतिस्पर्धाबाट मात्रै प्राध्यापक नियुक्ति गर्ने गरी अघि बढ्नुपर्ने मन्त्री पौडेलले बताउनुभयो । विश्वविद्यालय सुधार्ने जिम्मेवारी सरोकारवाला सबैको काँधमा रहेको भन्दै उहाँले सरकारको तर्फबाट गर्नुपर्ने काम गर्न तयार रहेको आश्वासन दिनुभयो । 

अन्तिम अपडेट: पुस २, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • Pramod Kumar Sah

    Aug. 11, 2022, 11:49 p.m.

    The future is directly connected with student's certificate. For example:- Anyone who want to service as a policeman. The age limitations is there like for ASI 23 YEAR for Inspector 25 year Let us consider, the fourth year examination is given by a student when his/her age become 24 year 6 month. If result published after 6 month of examination then he/she couldn't get a chance to apply a form in Nepal police. So, it is far better to publish the result in time.

  •  0 Reply

  • Janga magar

    Aug. 11, 2022, 8:34 p.m.

    त्रिभुवन बिश्वबिदयालयले शिक्षा संकाय तर्फ ४ बर्षे बिएड प्रथम बर्षको परिक्षा भएको 13 महिदा पुग्दा सम्म नतिजा किन प्रकाशन हुन सकेको छैन ..? कहिले सम्म प्रकाशन हुन्छ होला कृपया उज्यालो ले रिपोर्टिङ गरिदिन पर्‍यो TU सङ्ग

  •  0 Reply

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई