लमजुङमा अलैँची प्रशोधन केन्द्रको आवश्यकता: निर्माणका लागि पहल सुरु

असोज १२, २०७५ शुक्रबार १५:२५:१९ | श्यामशितल परियार

लमजुङ – लमजुङमा अलैँची प्रशोधन केन्द्रको आवश्यकता रहेको सरोकारवालाहरुले बताएका छन् ।

उत्पादित अलैँची जिल्लामै प्रशोधन गरी बेच्न सकेको खण्डमा किसानलाई फाइदा पुग्ने नेपाल अलैँची व्यवसायी महासंघ लमजुङ शाखाका अध्यक्ष अजय तामाङले बताउनुभयो ।

उहाँका अनुसार जिल्लामा अलैँची प्रशोधन केन्द्रको आवश्यकता खड्केको छ । जिल्लामै अलैँची प्रशोधन केन्द्र स्थापना गर्न सकेको खण्डमा अलैँची विचौलियको अन्त्य हुन्छ । किसानले उत्पादन गरेका अलैँचीको गुणस्तर कायम गर्न सकिन्छ । गुणस्तरीय अलैँची अन्तर्राष्ट्रिय बजारसम्म पुर्याउन सकिन्छ । लमजुङमा उत्पादित अलैँची झापाको बिर्तामोड हुँदै भारत पुग्छ ।

विचौलियाको अन्त्य : किसानलाई फाइदा

‘प्रशोधित गुणस्तरीय अलैँची निकाल्न सके अलैँचीको माग र मूल्य दुवै बढ्छ । किसानलाई फाइदा पुग्छ । विचौलियाको अन्त्य हुन्छ । त्यसैले पनि जिल्लामा अलैँची प्रशोधन केन्द्रको आवश्यकता छ,’ उहाँले दोहोर्याउनुभयो ।

तर प्रशोधन केन्द्र निर्माणका लागि करौडौँ रुपैयाँ खर्च हुनसक्ने उहाँको भनाई छ ।

‘अलैँची प्रशोधन केन्द्र निर्माणका लागि सम्बन्धित निकायमा सहयोग मागिरहेका छौँ । धेरैले सहयोग गर्ने प्रतिवद्धता जनाउनुभएको छ । हामी किसानहरुले पनि सकेको पैसा संकलन गर्छौ । अबको २÷३ वर्षभित्रैमा बेसीशहरमा अलैँची प्रशोधन केन्द्र निर्माण हुनेछ भन्ने हाम्रो विश्वास छ,’ अलैँची उत्पादक किसान समेत रहनुभएका तामाङले बताउनुभयो ।

गुणस्तरीय अलैँची उत्पादनबारे किसानलाई जानकारी

प्रशोधन केन्द्र निर्माण भएमा आफुहरुलाई फाइदा पुग्ने किसानहरुले बताएका छन् । यहाँका किसानहरुले सुधारिएको अलैँची भट्टीमा अलैँची सुकाउँदै आएका छन् । नेपाल अलैँची महासंघ लमजुङ शाखाले पनि किसानको अलैँची बगैँचामै पुगी अलैँचीको अवलोकन समेत गर्ने गरेको छ ।

किसानलाई गुणस्तरीय अलैँची उत्पादनका लागि बिरुवा लगाउनेदेखि सुकाउने र भण्डारण गर्नेसम्मको तौरतरिकाबारे बेलाबेलामा जानकारी गराउँदै आइएको नेपाल अलैँची व्यवसायी महासंघ लमजुङ शाखाले बताएको छ ।

२५ हजार अलैँची उत्पादक किसान

लमजुङमा अलैँची उत्पादक किसान झण्डै २५ हजारको हाराहारीमा छन् । लमजुङमा ९ सय ५० हेक्टर जमिनमा व्यावसायिक रुपमै अलैँची खेती लगाइएको छ । जिल्लामा ६ सय ५० हेक्टर क्षेत्रफलबाट अलैँची उत्पादन भईरहेको छ ।

यहाँ विशेषगरी रामशाही, गोलशाही, डम्बरशाही लगायतका जातका अलैँचीको खेती हुँदै आएको छ । लमजुङको घनपोखरा, बाँझाखेत, खुदी, भुलभुले, गौँडा, ईलमपोखरी, दूधपोखरी, बन्सार, फलेनी, ढोडेनी, पसगाउँ लगायतका ठाउँमा अलैँचीको व्यावसायिक खेती गरिएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्