मकवानपुरको कर्रा खोलामा डुबेर तीन जना बालककाे ज्यान गयाे

असोज ७, २०७९ शुक्रबार १९:४६:४१ | हरि हुमागाईं

मकवानपुर – मकवानपुरको हेटौँडा उपमहानगरपालिका-७ न्युरेनी नागदहको कर्रा खोलामा डुबेर तीन जना बालकको ज्यान गएको छ।

पाैडी खेल्ने क्रममा डुबेका हेटौँडा–१५ फारलाइनका १७ वर्षीय साहिल लामा, १२ वर्षीय कर्साङ जिम्बार र १३ वर्षीय सञ्जीव मोक्तानकाे ज्यान गएकाे हाे ।

जिल्ला प्रहरी कार्यालय मकवानपुरका अनुसार हेटाैँडा ५ र ७ को सिमानामा पर्ने न्युरेनी नागदहमा रहेकाे कर्रा खोलामा पौडी खेल्ने क्रममा उनीहरु बेपत्ता भएका थिए ।

आज दिउँसाे चार जना बालकहरु पौडी खेल्न खोलामा गएकामा एक जनाकाे भने सकुशल उद्धार गरिएकाे थियाे । उनीहरु हेटौँडा-१५ फारलाइनबाट पौडी खेल्न आएका प्रहरीले जनाएकाे छ ।

अन्तिम अपडेट: बैशाख १३, २०८१

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

मकवानपुरको कर्रा खोलामा डुबेर तीन जना बालककाे ज्यान गयाे

साङ्केतिक तस्बिर

तपाईको प्रतिक्रिया