मर्दी ट्रेक चिनाउने पर्यटन व्यवसायी सुदीप गौतमको भीरबाट लडेर ज्यान गयो

असोज १५, २०७९ शनिबार १६:४०:४ | सागर राज तिमिल्सिना

तनहुँ – पर्यटकीय गन्तव्य मर्दी पदयात्रालाई चिनाउने पर्यटन व्यवसायी ३५ वर्षीय सुदीप गौतमको भीरबाट लडेर ज्यान गएको छ ।

मर्दी पदयात्राको हाइक्याम्पमा शुक्रवार साँझ ६ बजे पानीको पाइप मर्मत गर्ने क्रममा भीरबाट लडेर गाैतमकाे ज्यान गएकाे प्रहरीले जानकारी दिएको छ ।

गौतमले हाइक्याम्पमा होटल सञ्चालन गर्दै आउनु भएकाे थियाे । गौतम भीरबाट अन्दाजी ५१ मीटर तल खसेको माछापुच्छ्रे गाउँपालिका वडा नम्बर ९ का वडाध्यक्ष राजेन्द्र क्षेत्रीले जानकारी दिनुभयो ।

होटल व्यवसायी अर्को एक जना साथीसँग गौतम पानी मर्मत गर्न जानु भएको थियो । लडेर गौतमको टाउकोमा चोट लागेको थियो । घटना लगत्तै नजिक रहेकाहरुले उद्धार गरेर ल्याए पनि उहाँको बाटोमा नै ज्यान गएको अध्यक्ष क्षेत्रीले बताउनु भयो ।

गौतमको शवलाई शनिवार बिहान हेलिकप्टरबाट पोखरा ल्याइएको छ । पश्चिमाञ्चल क्षेत्रीय अस्पतालमा पोस्टमार्टम गरेपछि अन्तिम संस्कार गरिने परिवारले जनाएको छ । प्रहरीले घटनाको अनुसन्धान भइरहेको जनाएको छ ।

सफल पर्यटन व्यवसायी गौतमले मर्दी हिमाल पदयात्राको प्रचार प्रसार र प्रवर्द्धनमा ठूलो भूमिका खेल्नु भएको थियो ।

गौतम मर्दी हिमाल पर्यटन पदमार्ग व्यवस्थापन समितिका संस्थापक अध्यक्ष समेत हुनुहुन्थ्यो । गौतमको परिवारमा बुवा, आमा, श्रीमती एक छोरी र छोरा छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्