एम्बुस बनेको सिद्धबाबाको बाटोलाई सरकारले हेरेर बस्न सक्दैन : मन्त्री महासेठ

जेठ २३, २०७५ बुधबार १८:१०:१५ | देव पचभैया

पाल्पा – भौतिक पूर्वाधार तथा यातायात मन्त्री रघुवीर महासेठले सिद्धबाबाको बाटो एम्बुस बनेर उभिएको बताउनुभएको छ ।

सिद्धार्थ राजमार्गको पाल्पा–बुटवल सडकमा पर्ने सिद्धबाबा क्षेत्रको प्राविधिक टोलीसहित बुधबार स्थलगत अध्ययन गर्नुभएका मन्त्री महासेठले एम्बुस बनेर बसेको सडकलाई सरकारले हेरेर बस्न नसक्ने बताउनुभयो । तीन महिना भित्रमा समस्या समाधानको प्रयासमा काम थाल्ने भन्दै उहाँले उपयुक्त विधिको खोजी गरेर अघि बढ्ने जनाउनुभयो । पहाड काट्ने वा सुरुङमार्ग जेमा उपयुक्त हुन्छ त्यसैमा सरकार अघि बढ्ने मन्त्री महासेठको भनाई छ । मन्त्री महासेठले बुटवलको चिडियाखोलादेखि दोभानसम्मको बाटोमा भएको जोखिम कम गर्न आर्थिक वर्ष २०७५/७६ को सुरुदेखि नै काम थाल्ने बताउनुभएको हो । ।

एक हप्ताभित्र प्रतिवेदन बुझाउन सम्बन्धित विभागका प्रतिनिधिहरुलाई निर्देशन दिँदै उहाँले पहिलेको सरकार जस्तो अहिलेको सरकार नरहेकाले काम हुनेमा विस्वास गर्न सबैसँग आग्रह गर्नुभयो ।

सडक विभागका महानिर्देशक रवीन्द्रनाथ श्रेष्ठले सिद्धबाबा क्षेत्रमा पहाडै चलेकाले जटिल अवस्थामा रहेको बताउनुभयो । पहाडै चलेकाले सुरुङमार्ग पनि विकल्प नहुन सक्ने भन्दै महानिर्देशक श्रेष्ठले विदेशी विज्ञ गुहार्नुपर्नेमा जोड दिनुभयो । ‘यो गर्छु, त्यो गर्छु मात्रै हावा कुरा गरेर हुँदैन’, उहाँले भन्नुभयो बिस्तृत अध्ययन गर्नुपर्छ ।

सरकारले बजेट भाषणमा उल्लेख गरेको सात स्थानमा सुरुङ मार्ग बनाउने योजना अन्र्तगत सिद्धबाबा खण्ड पनि एक हो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्