झापा – झापा प्रतिनिधि सभा क्षेत्र नम्बर ३ मा राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन विजयी हुनुभएकाे छ । 

कांग्रेस नेता कृष्णप्रसाद सिटौलालाई ३ हजार २ सय ७६ मतान्तरले पराजित गर्दै लिङ्देन विजयी हुनुभएकाे हाे । लिङ्देनले ४० हजार ६ सय ४८ मत प्राप्त गर्दा सिटौलाले ३७ हजार ३ सय ७२ मत ल्याउनुभयाे । 

झापा क्षेत्र नं ३ मा अध्यक्ष लिङ्देन दोस्रो पटक विजयी हुनुभएको हो । विसं २०७४ को प्रतिनिधि सभा चुनावमा पनि अध्यक्ष लिङ्देन र कांग्रेस नेता सिटौलाबीच नै प्रतिस्पर्धा हुँदा लिङ्देन विजयी हुनुभएको थियो ।

झापा क्षेत्र नं ३ मा १ लाख ३१ हजार चार सय ३२ मतदाता रहेकामा ६८ दशमलव दुई प्रतिशत अर्थात् ८९ हजार ६ सय ३७ मत खसेको थियो । झापा क्षेत्र नं ३ प्रदेश सभा (क) मा नेपाली कांग्रेसका भूमिप्रसाद राजवंशी र प्रदेश सभा (ख) मा नेकपा (एमाले) का छविलाल चुडाल प्रदेश सभा सदस्यमा निर्वाचित भइसक्नुभएको छ ।