फ्राइडे रिलिज : 'निर्जला' प्रदर्शनमा

असोज १९, २०७५ शुक्रबार ११:३७:४० | उज्यालो सहकर्मी

फ्राइडे रिलिज अन्तर्गत राजु गिरी निर्देशित चलचित्र निर्जला शुक्रबारबाट अल नेपाल प्रदर्शनमा आएको छ । शुक्रबार अन्य कुनै चलचित्र प्रदर्शनमा नआएका कारण चलचित्र निर्जलाले सोलो रिलिजको अवसर पाएको हो ।

प्रकाशचन्द्र न्यौपानेको निर्माणमा बनेको चलचित्रमा नायक किशोर खतिवडा, नायिका शुभेच्छा थापा र निक्स शर्माको मुख्य अभिनय रहेको छ । राजु गिरी निर्देशित यस अघिका चलचित्रहरु गीत संगीत, चलचित्रमा उठान गरिएका विषय वस्तु, साथै कलाकारका कारणले पनि चर्चामा आउने गरेका छन् । उनले निर्माण गर्ने गरेका चलचित्रहरुमा प्रेम कथासँगै यौन मनो विज्ञानमा आधारित हुने गरेका छन् ।

निर्देशक राजु गिरी यस अघि निर्माण गरेका चलचित्रहरुका कारण विवादमा समेत तानिएका थिए । यस अघिका चलचित्र जे जस्ता भए पनि निर्जला भने सामाजिक कथा बस्तुमा अधारित रहेको निर्माण युनिटले बताएको छ ।

चलचित्र प्रदर्शन अघि चलचित्र युनिटले प्रिमियर सो को आयोजना समेत गरेको थियो । नायिका शुभेच्छा थापा चलचित्र निर्जला नारी प्रधान चलचित्र भएको बताउँछिन् । चलचित्र निर्जलाले दर्शकको मन जित्नेमा आफू ढुक्क रहेको उनको भनाइ छ ।

यस सँगै असोज ५ गते बाट प्रदर्शनमा आएको चलचित्र इन्टु मिन्टु लण्डनमाले तेस्रो सातामा प्रदर्शन सुरु गरेको छ । अझै पनि उपत्यका तथा उपत्यका बहिरका केही हलहरुमा चलचित्र प्रदर्शन भइरहेको चलचित्रकी निर्देशक रेनशा बान्तवा राइले बताइन् ।

यस्तै अघिल्लो साताबाट प्रदर्शनमा आएका चलचित्र अनुराग र कथा काठमाडौं पनि दोस्रो सातामा प्रदर्शन सुरु गरेका छन् । उत्साह जनक नभए पनि सामान्य व्यापार गरेका चलचित्रलाई समेत आज ठूलो व्यानरको चलचित्र रिलिज नहुनाले केही हद भए पनि फाइदा पुर्याएको छ ।

– उज्यालो र गफगाफ डटकमको सहकार्य

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्