आईएमई पेको रिफन्डेबल हवाई टिकटमा प्रयोगकर्ताको सङ्ख्यामा उत्साह...
चैत ६, २०८० मंगलबार
स्याङ्जा – स्याङ्जा निर्वाचन क्षेत्र नं. २ मा मतगणना भइरहेको छ । पछिल्लो नतिजाअनुसार नेपाली कांग्रेसका धनराज गुरुङले अग्रता लिइ रहनुभएको छ । उहाँले नेकपा एमालेकी पद्माकुमारी अर्याललाई एक हजार चार सय ७३ मतले पछि पार्नुभएको हो ।
कांग्रेसका गुरुङले पाँच हजार नाै सय ७६ मत पाउनुभएको छ भने एमालेकी अर्यालको चार हजार पाँच सय तीन मत रहेको छ । यस्तै स्वतन्त्र पार्टीका उम्मेदवार टिकराज गुरुङले एक हजार छ सय २५ मत प्राप्त गर्नुभएको छ ।
नेकपा एमालेकी उम्मेदवार अर्यालको स्थायी बसोवास रहेका वालिङ नगरपालिकाको वडा नं. १ मा समेत धनराज गुरुङले एक सय ९२ मतको अग्रता लिनुभएको हो । यस वडामा पद्मा अर्यालले अग्रता लिने एमालेको भनाइ थियो ।
स्याङ्जा २ मा गल्याङ नगरपालिकाको वडा नम्बर ६ र ७, भीरकोट नगरपालिकाको वडा नम्वर ५, ६, ७, ८ र ९, वालिङको वडा नं. १ र २ को गणना भइसकेको छ भने अहिले वालिङकै ५ नम्बर वडाको मतगणना भइरहेको छ ।
यसैगरी प्रदेश सभा (क) तर्फ पनि कांग्रेसका भोजराज अर्यालले अग्रता लिइ रहनुभएको छ । अर्यालले एमालेका मोहनप्रसाद रेग्मीलाई एक हजार तीन सय ७६ मतले पछि पार्नुभएको हो ।
अर्यालले छ हजार चार सय ७० मत ल्याउँदा रेग्मीले पाँच हजार ९६ मत ल्याउनुभएको छ ।
स्याङ्जा २ मा एक लाख १६ हजार सात सय ७८ मतदाता रहेकामा ७० हजार एक सय ९१ मत खसेको थियो ।
स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।