नेपाली सेना तयारी अवस्थामा, निगमका चालकले हड्ताल गरे पनि इन्धन अभाव नहुने

असोज २२, २०७५ सोमबार १३:२५:५५ | उज्यालो सहकर्मी

काठमाडौं – चालकहरुले बेलाबेलामा आन्दोलन गर्दा इन्धनको अभाव हुने गरेको भन्दै नेपाल आयल निगमले वैकल्पिक जनशक्ति पनि तयार पार्न थालेको छ ।

यसै महिनाको सुरुमा पनि चालहरुले अमलेखगञ्जबाट तेल नउठाउँदा १-२ दिन देशैभर हाहाकार भएको थियो । निगमले त्यतिबेलै नेपाली सेनासँग सहयोग मागेर नेपाल एयरलाइन्सका विमान चार्टर गर्दै ३० जना चालकलाई अमलेखगञ्ज र भैरहवा पठाएको थियो ।

नेपाली सेनाका चालक देखेपछि निगमका चालक डराएर तेल ढुवानी गरेका थिए । निगमले सेनाका ३० जना चालकलाई अमलेखगञ्ज र भैरहवामा तेल लोड अनलोड र प्रशासनिक काम गर्ने तालिम दिइसकेको छ ।

‘हामीले उहाँहरुलाई सबै तालिम दिइसकेका छौँ, निगमलाई अरु चालकको सहमति नहुनेबित्तिकै उहाँहरुले ट्यांकर चलाउन थालिहाल्नुहुन्छ, अब चालकले हडताल गरे भने पहिले जस्तो हाहाकार हुँदैन’, निगमका नायव कार्यकारी निर्देशक सुशील भट्टराईले जानकारी दिनुभयो ।

यस्तै निगमले नेपाली सेना र नेपाल प्रहरीलाई ट्यांकर थप्नको लागि पनि आग्रह गरिसकेको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्