चीन : बाक्लो कुहिरोका कारण पुलमा २ सय वटा गाडी एकआपसमा ठोक्किए

 पुष १३, २०७९ बुधबार २०:१३:५२ | एजेन्सी
unn.prixa.net

तस्बिर : एजेन्सी

चीनको मध्य क्षेत्रमा रहेकाे एक राजमार्गमा सयौँ गाडी दुर्घटनाग्रस्त भएको चीनको सरकारी प्रसारक सीसीटीभीले आज बुधवार जनाएको छ । दुर्घटनामा एक जनाको ज्यान गएकाे छ ।

सडकदेखि माथि आकाशबाट लिइएको तस्बिरमा बाक्लो हुस्सुका कारण सडक नदेखिँदा दुर्घटनाग्रस्त सयौँ यात्रुवाहक कार, भ्यान र लरीहरू राजमार्गको एक भागमा थुप्रिएको देखिएको छ । 

अनलाइनमा पोस्ट गरिएका अन्य भिडियोमा केही गाडी दुर्घटनाका कारण टुक्रा–टुक्रा भएको पनि देखिएको छ ।

हेनान प्रान्तको झेङझोउ सहर नजिकै बाक्लो कुहिरोले कमजोर दृश्य भएका कारण दुर्घटना भएको र कम्तीमा दुई सय वटा गाडी दुर्घटनाग्रस्त भएको चिनियाँ सरकारी सञ्चारमाध्यमले जनाएका छन् ।

बुधबार बिहान झेङझोउको पहेँलो नदीको पुलमा अचानक कुहिरो लागेको थियो, जसका कारण धेरै गाडी आपसमा ठोक्किएर दुर्घटना भएको थियो, झेङझोउका अधिकारीलाई उद्धृत गर्दै सीसीटीभीले भनेको छ । 

‘दुर्घटनालगत्तै आपत्कालीन उद्धार गरिएकाे र दुर्घटना स्थललाई सामान्य गाडी सञ्चालनका गर्नका लागि खाली गराइँदै छ’, रिपोर्टमा भनिएको छ। 

चीनमा कडा यातायात सुरक्षा नियम, कमजोर सडक संरचना साथै चालकको लापर्बाहीका कारण सडक दुर्घटानाबाट बर्षेनी हजारौँ नागरिकको अकालमा ज्यान जाने वा अगभङ्ग हुने गर्छ । गएकाे सेप्टेम्बरमा दक्षिण–पश्चिमी गुइझोउ प्रान्तको क्वरेण्टीनमा जाँदै गरेको बस राजमार्गमा पल्टिँदा २७ जनाको ज्यान गएको थियो ।

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई