तीनकुने जग्गाको मुआब्जा वितरण गर्न सरकारसँग मेयर शाहको आग्रह
पुस १२, २०८१ शुक्रबार
घरेलु महिला श्रमिकले विदेशमै अनुसूची ८ फारम भरौँ, समयमै श्रम स्वीकृति गरौँ
पछिल्लो समय सबैखाले श्रम स्वीकृति अनलाइनबाटै लिनुपर्छ । अनलाइनबाट श्रम स्वीकृति लिन सबैभन्दा पहिला श्रम अनलाइनबाटै सम्पूर्ण प्रक्रिया गरेर श्रम स्वीकृति प्राप्त गर्ने टोकन लिन पर्छ । गएको फागुनदेखि सरकारले जुनसुकै माध्यमबाट घरेलु श्रमिकका रुपमा गएको भए पनि स्वदेश फर्कंन चाहेमा श्रम स्वीकृति प्रदान गर्ने निर्णय गरेसँगै घरेलु श्रमिकका रुपमा कार्यरत महिलाहरुले पनि श्रम स्वीकृति लिइरहेका छन् । श्रमिक स्वीकृति लिने प्रक्रिया, आवश्यक कागजात र ध्यान दिन पर्ने कुराबारे हामीले वैदेशिक रोजगार कार्यालय ताहचलका निर्देशक बसन्तबहादुर वाेहरासँग गरिएकाे कुराकानीकाे सम्पादित अंश :
श्रम स्वीकृति अनलाइनमार्फत मात्र लिन सक्ने व्यवस्था भएपछि के कसरी लिने भन्ने जिज्ञासा बढ्दो छ । कतिपयलाई यसबारे जानकारी नहुँदा टोकन नै नलिइ कार्यालयमा पनि आउने गर्नुहुन्छ । यस्तै गएको वर्षको फागुनदेखि त जुनसुकै माध्यममार्फत गएर घरेलु श्रमिकको रुपमा काम गरिरहेको भए पनि कानुनी सर्त पूरा गरेमा पुनः श्रम स्वीकृति पाउने व्यवस्था भएको छ ।
घरेलु श्रमिकका रुपमा कार्यरत महिला श्रमिकले पनि श्रम स्वीकृतिको प्रक्रिया अनलाइनमार्फत नै गर्ने हो । उहाँहरुले कानुनले तोके अनुसारको सबै कागजात पूरा गरेर आउँदा श्रम स्वीकृति लिन समस्या हुँदैन । कागजात नपुगेकै कारण समस्याहरु हुने गर्छ ।
श्रम स्वीकृति नलिई वा अन्य माध्यममार्फत गएर घरेलु काम गरिरहनुभएको छ र अब स्वदेश फर्किएर तपाईँ श्रम स्वीकृति लिई पुनः काममा फर्कन्छु भन्ने हो भने सबैभन्दा महत्वपूर्ण कागजको रुपमा अनुसूची ८ फारम हो । जुन् सम्बन्धित देशको दूतावासबाट प्रमाणित गरेर यहाँ कार्यालयमा पठाएको हुनुपर्छ । यो फारम तपाईँ कार्यरत देशमा रहेका नेपाली दूतावासहरुमा गएर भर्न सक्नुहुन्छ ।
यसपश्चात अनलाइन फारम भर्दाखेरि राहदानी, भिसा, कार्यरत कम्पनी तथा यदि घरमा हो भने त्यहाँ काम गरिरहेको करार सम्झौता आवश्यक पर्छ । यसका साथै बिमा पनि गर्न पर्छ भने कल्याणकारी कोषमा पनि रकम तिर्न पर्छ ।
यस्तै म यो यो देशमा यसरी काम गर्दै छु, सबै कानुनसम्मत छ र भोलि केही भइहालेमा म जिम्मेवार छु भन्ने स्वघोषणापत्र पनि पेस गर्नुपर्छ । अनुसूची ८ को फारम भने घरेलु श्रमिकको हकमा मात्रै हो ।
अनुसूची ८ फारम भर्नको लागि शुल्क लाग्छ । विभिन्न देश अनुसार शुल्क तोकिएको हुन्छ । तपाईँहरुले आफू कार्यरत देशमा रहेका नेपाली दूतावासमा गएर बुझ्न सकिन्छ । नेपाल आउनुभन्दा पहिले नै गन्तव्य देशमै रहेको नेपाली दूतावासमा गएर अनुसूची ८ को फारम प्रमाणित गराएमा सजिलो हुन्छ । पछि अनलाइन फारम भर्दा अनिवार्य रुपमा त्यही कागज चाहिन्छ । अनुसूची ८ सहित आवश्यक सबै कागजात पेस गरेपछि अनलाइनबाटै श्रम स्वीकृति हुने हो । अहिले धेरै श्रमिकहरुले यही अनुसूची ८ फारम छुटाउदा यहाँ आइसकेपछि समस्या हुने गरेको छ ।
विश्वका जुनजुन देशमा नेपाली श्रमिक हुनुहुन्छ त्यही देशबाट अनलाइनमार्फत नै कागजात पेस गर्न मिल्ने व्यवस्था रहेको छ ।
छुट्ने गरेका कागजात
ध्यान दिंदा दिंदै पनि कतिपय कागजातहरु छुटिरहेका हुन्छन् । कागजात छुटेमा आवेदन दिंदा पनि श्रम स्वीकृति अस्वीकृत हुने हुन्छ । त्यसकारण श्रम स्वीकृतिको लागि आवेदन दिंदा सबैभन्दा पहिला हाम्रो वेबसाइटमै भएका जानकाहरु पढ्ने र हेर्ने गर्नुहोस् । घरेलु श्रम गरेर फर्कनुभएका कतिपयले अनुसूची ८ कै फारम नभरेको देखिन्छ ।
त्यस्तै स्वघोषणाका कागजात पेस गर्न नजानेर पनि समस्या हुने गरेका छन् । हाम्रै वेबसाइटमा स्वघोषणा सम्बन्धी पत्रहरु हुन्छन् । त्यसलाई प्रिन्ट गरेर आवश्यक कुरा भरेर साइन गरेपछि अपलोड गर्न सकिन्छ ।
पासपोर्ट, भिसा, बिमा, कल्याणकारी कोष लगायतका कागजात प्रायजसो सबैले पेस गर्नुभएको हुन्छ ।
अर्को कुरा भनेको श्रम स्वीकृति समयमै लिनुहोस् । विदेश फर्किनुभन्दा एकदुई दिन अगाडि आएर भोलिपर्सिको टिकट छ भन्दै पुनः श्रम स्वीकृति लिन खोज्दा समस्या हुन्छ । सकेसम्म विदेशबाट आउनासाथ सबैभन्दा पहिला श्रम स्वकिृति लिइहाल्नुहोस् । यसो गर्दा तपाईँसँग समय हुन्छ । केही बिग्रिएमा, केही कागजात नपुगेमा पनि तपाईँले मिलाउने समय पाउनुहुन्छ । भोलिको टिकट छ आज श्रम स्वीकृति लिन खोज्दा समस्या हुन्छ । यो कुरा विदेशबाट फर्कंने सबैले ध्यान दिनुहोस् र विदेशमै हुनुुहुन्छ भने पनि श्रम अवधि सकिएपछि आवेदन दिइहाल्नुहोस् ।
टोकनको समस्या र व्यवस्थापन
आजलकाल श्रम स्वीकृति लिन खोजेको टोकन पाइएन भनेको धेरैको मुखबाट सुनिन्छ । खास टोकन नपाउने भन्दा पनि तपाईँसँग जानकारी नभएको हो । कुन समयमा टोकन लिन पर्छ र कहिले श्रम स्वीकृति गर्नुपर्छ भन्ने विषयमा तपाईँ सचेत हुनुभयो भने अप्ठेरो पर्दैन । टोकन नपाउने समस्या पनि हुँदैन । त्यसका लागि सोध्ने र जानकारी लिने काम भने तपाईँले गर्नुपर्छ ।
तपाईँहरुले टोकन नपाउने समस्या नहोस् भनेर हामीले टोकन व्यवस्थापन गरेका छौं । जस्तो तपाईँसँग समय छ भने एक हप्तापछिको समय लिएर पनि श्रम स्वीकृति लिन सक्नुहुन्छ । जुन सजिलै उपलब्ध पनि हुन्छ । तर यदि तपाईँको विदेश उड्ने टिकट आजैको छ र आजै श्रम गर्नु पर्ने भयो तर टोकन छैन भन्ने समस्या भयो भने कार्यालयले प्रत्येक दिन बिहान ११ बजे आजैका लागि एक सय वटा टोकन खुलाउछ । तपाईँले ११ बजे आवेदन दिन सक्नुहुन्छ ।
अब भोलि पर्सीको टिकट छ र भोलिलाई श्रम स्वीकृतिको टोकन लिन पर्याे भने प्रत्येक दिन दिउँसो साढे ३ बजे २८० टोकन भोलिपल्टका लागि खुल्छ । तपाईँले चनाखो भएर त्यो समयमा आवेदन दिन पर्याे । यो टोकन लिन धेरै जना कुरेर बस्नुभएको हुन्छ । एकैछिनमा सकिने समस्या हुन्छ । त्यसकारण खुलेको बेलामा टोकन लिने चनाखो भने हुनपर्छ ।
अहिले कार्यालयले यसरी टोकनको व्यवस्थापन गरेको छ । पहिले टोकन नै नपाइने अवस्था थियो । पुनः श्रम स्वीकृति लिनेको हकमा त्यो समस्या थियो । तर अहिले सहज छ । तत्काल श्रम स्वीकृति लिन चाहनेहरुलाई मध्येनजर गर्दै यो व्यवस्थापन गरिएको हो ।
यति गर्दा पनि टोकन पाउनुभएन, समस्या भयो भने वैदेशिक रोजगार कार्यालय काठमाण्डौमा सम्पर्क गर्न सक्नुहुन्छ । यही कार्यालयमा आउन पनि सक्नहुन्छ या फोन गर्दा पनि तपाईँलाई हामी आवश्यक जानकारी दिन्छौं र तपाईँको समस्या समाधान गर्न कोशिस गर्छौं ।
श्रम स्वीकृति आवेदन दिनासाथ स्वीकृति भइहाल्छ भन्ने हुँदैन । विभिन्न कागजातहरु पुगेन भने अस्वीकृति पनि हुन सक्छ । त्यसकारण श्रम स्वीकृति जतिसक्दो चाडो लिइहाल्नु पर्छ । अन्तिम समयमा लिन खोज्दा तपाईँलाई नै समस्या र तनाव हुनसक्छ । अस्वीकृति हुँदा पनि नआत्तिनुहोस् । के कारणले अस्वीकृत भयो भन्ने कुरा लेखिएको हुन्छ । त्यो राम्रोसँग पढेर पुनः आवेदन दिनुहोस् । केही बुझ्नुभएन भने कार्यालयमा सम्पर्क गर्नुहोस् ।
घरबाटै काम हुन्छ, विचौलियाकहाँ जानुपर्दैन
अनलाइनबाट आवेदन दिंदा कतिपय ठगीमा पर्नुभयो, पैसा धेरै बुझाउन पर्याे भन्ने कुराहरु पनि सुनिन्छ । कतिपयलाई त साइबरवालाले धेरै रकम लिने गरेको पनि पाएका छौं । त्यसैले मेरो अनुरोध तपार्इँहरुलाई घरबाटै भर्नुहोस् भन्ने छ । किनभने यो धेरै गाह्रो छैन । छोराछोरीलाई, दाजुभाइलाई वा विश्वासिलो साथी, छिमेकीसँग पनि सहयोग लिएर भर्न सकिन्छ । तरिका थाहा भएन भने युट्युबमा भिडियोहरु छन् । हेर्न सक्नुहुन्छ । त्यती गर्दा पनि भएन भने केही सोध्न परेमा हामीलाई नै सम्पर्क गर्न सक्नुहुन्छ ।
अनलाइनमार्फत नै आवेदन दिएपछि अनलाइनबाटै श्रम प्राप्त हुन्छ । बायोमेट्रिक नभएको अवस्थामा बाहेक कार्यालयमा उपस्थित हुन पर्दैन ।
अहिले त हाम्रो सिस्टम निकै राम्रो छ । राहदानी बनाउँदा, राष्ट्रिय परिचयपत्र बनाउँदा नै बायोमेट्रिक लिएको हुन्छ । राहदानी विभागसँग हाम्रो सिस्टम ‘टाइअप’ भएको छ ।
अहिले हाम्रो यो सेवा अनलाइन त छँदैछ । त्योसँगै सेवाको विकेन्द्रीकरण भइसकेको छ । सातवटै प्रदेश कार्यालयबाट सेवा प्रवाह हुन्छ । पोखरा, विराटनगर, भैरहवा र बुटवलबाट त संस्थागत, व्यक्तिगत श्रम स्वीकृति र श्रम नवीकरणको सेवा लिन सकिन्छ । अब सुर्खेत र धनगढी लगायतका अन्य कार्यालयबाट पनि सबै खालका सेवाहरु प्रदान गर्ने कार्यको थालनी भइरहेको छ । सबै प्रदेशबाट पुनः श्रम स्वीकृति लिन पाइने व्यवस्था पनि छदैछ । त्यसैले ढुक्क भएर बिचौलियापछि नलागी श्रम स्वीकृति लिनुहोस् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
गाउँपालिका, नगरपालिका र जिसस महासङ्घद्वारा प्रधानमन्त्रीलाई ७ ...
पुस १२, २०८१ शुक्रबार
-
आयोजक फिदिम स्पोर्टिङलाई हराउँदै चर्च ब्वाइज फाल्गुनन्द गोल्डकपक...
पुस १२, २०८१ शुक्रबार
-
कर्णाली र लुम्बिनी प्रदेश सरकारबीच १९ बुँदे सम्झौता
पुस १२, २०८१ शुक्रबार
-
इजरायल जान छनाेट भएका कामदारलाई स्वास्थ्य परीक्षण गराउन आग्रह,...
पुस १२, २०८१ शुक्रबार
-
दक्षिण कोरियामा कार्यवाहक राष्ट्रपतिमाथि पनि महाभियोग
पुस १२, २०८१ शुक्रबार
-
भेरी–बबई डाइभर्सनको भौतिक प्रगति झन्डै ६६ प्रतिशत
पुस १२, २०८१ शुक्रबार
-
वैदेशिक रोजगारीमा मेसेडोनिया पठाइदिने भन्दै झन्डै १३ लाख ठग...
पुस १२, २०८१ शुक्रबार
-
भारतसँगको चौथो टेस्टमा अस्ट्रेलिया बलियो अवस्थामा
पुस १२, २०८१ शुक्रबार
-
यमनको साना अन्तर्राष्ट्रिय विमानस्थलमा भएको बम आक्रमणमा डब्ल्यूएच...
पुस १२, २०८१ शुक्रबार
-
एनपीएल विजेता जनकपुर बोल्ट्सका खेलाडीको 'ट्रफी परेड'
पुस १२, २०८१ शुक्रबार
-
प्रधानमन्त्री समक्ष तीन वटा विश्वविद्यालयका उपकुलपतिले शपथ लिए
पुस १२, २०८१ शुक्रबार
-
चालू आर्थिक वर्षमा ३० लाख किसानलाई सूचीकरण गर्ने सरकारको लक्ष्य
पुस १२, २०८१ शुक्रबार
-
नवलपरासीको रामग्राममा बुद्धकालीन शहरको संरचना भेटिएको दाबी
पुस १२, २०८१ शुक्रबार
विचार
-
आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसा...
पुस ७, २०८१ आइतबार
-
कागजपत्र लगेर कम्पनी दर्ता गर्ने प्रक्रिया बन्द भइसक्यो
मंसिर ३०, २०८१ आइतबार
-
बीआरआईमा हस्ताक्षर भयो, तर अन्तिम किनारा लगाउन बाँकी छ
मंसिर २०, २०८१ बिहिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
MILAN PANTHI
Feb. 23, 2023, 4:05 a.m.MA AHILE UAE, SHARJAH MA KAAM GARIRAKO XU RW MAILE SHRAM GARNA KHOJDA MERO COMPANY KO NAME NAI DEKHAUNNA SYSTEM KO COMPNAY LIST MA MAILE REQUEST PATHAKO XU TARA AJA SAMMA KEHI RESPONE RW APPROVAL AKO XAINA. KRIPAYA MERO PROCESS KO BAREMA MA MALAI KEHI KHABAR GARAIDINU HUNU BHANERA ANURODH GARDAXU. NAME- MILAN PANTHI