म्याग्दीमा मगर समुदायले ४१ औँ स्थापना दिवस धुमधामसँग मनाए (फोटो फिचर)

फागुन १५, २०७९ सोमबार २०:२०:४५ | प्रताप बानियाँ

म्याग्दी – हिमाली जिल्ला म्याग्दीमा बसोवास गर्दै आएका मगर समुदायले आज (सोमवार) ४१ औँ स्थापना दिवस मनाएका छन् । ‘सम्पूर्ण मगरहरू एक होऔँ, भाषा, कला र संस्कृतिको संरक्षण गरौँ’ भन्ने नारासहित मगर समुदायले एक समारोहबीच आफ्नो स्थापना दिवस मनाएका हुन् ।

नेपाल मगर सङ्घको ४१ औँ स्थापना दिवसको अवसरमा आफ्नो जातीय भेषभूषामा सजिएका स–साना बालबालिका, किशोरकिशोरी, युवायुवती र वृद्धवृद्धाले लोपोन्मुख सोरठी, सालैजो, यानीमाया, मारुनी, सुनीमाया, ख्यालीभाका लगायतका पुर्ख्याैली गीत गाउँदै र नाच्दै दिवस मनाएका छन् । मगर समुदायले जातीय भेषभूषमा सजिएर सांस्कृतिक र्‍यालीसहित म्याग्दी सदरमुकाम बेनीबजारको परिक्रमा गरेका थिए ।

स्थापना दिवसको अवसर पारेर नेपाल मगर सङ्घ जिल्ला समन्वय समिति म्याग्दीले संस्थापक अध्यक्ष हेमबहादुर पुन मगर स्मृति अन्तरमावि लोकनृत्य प्रतियोगिताको समेत आयोजना गरेको थियो । स्थापना दिवसको प्रतिनिधि सभा सदस्य खमबहादुर गर्बुजाले उद्घाटन गर्नुभयो । मगर समुदायमा रहेको लोपोन्मुख कला, संस्कृतिको संरक्षण तथा पहिचान गर्ने उद्देश्यसहित स्थापना दिवस मनाइएको नेपाल मगर सङ्घ जिल्ला समन्वय समिति म्याग्दीका अध्यक्ष लोकेश पुन मगरले बताउनुभयो ।

स्थापना दिवसमा सदमुकाम बेनीमा मगर जातिको पहिचान झल्कने जातीय भेषभूषा, खानपान तथा सांस्कृतिक झाँकीसहितका कार्यक्रमहरू पनि भएकाे थियाे । जनजाति र त्यसमा पनि मगर समुदायको बाहुल्यता भएको म्याग्दीमा स्थापना दिवसको अवसरमा अन्य जातजातिलाई पनि बोलाएर एकआपसमा शुभकामना आदानप्रदानसहित सांस्कृतिक कार्यक्रमसमेत गरिएको मगर सङ्घ म्याग्दीले जनाएको छ ।

भेषभूषा र झाँकीसहितको र्‍यालीमा मगर समुदायले आफ्नो हस्तकलाका सामानहरू प्रदर्शन गर्नुका साथै कलाकौशल पनि देखाएका थिए । एक नगरपालिका, पाँच वटा गाउँपालिका र ४५ वटा वडा रहेको म्याग्दीको धेरैजसाे ठाउँमा मगर समुदायको बाहुल्यता रहेको छ । म्याग्दीमा कुल जनसङ्ख्याको झन्डै ४० प्रतिशतको हाराहारीमा मगर समुदाय बस्दै आइरहेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्