सिक्टा सिंचाई आयोजनाको समस्या समाधान सम्बन्धी प्रतिवेदन सार्वजनिक

असोज २८, २०७५ आइतबार १७:५३:४३ | उज्यालो सहकर्मी

काठमाडौं – बहुप्रतिक्षित राष्ट्रिय गौरवको आयोजना सिक्टा सिंचाई आयोजनाको मुल नहरमा देखिएको समस्याका सम्बन्धमा छानबिन गर्न गठित समितिले आफ्नो प्रतिवेदन सरकारलाई बुझाएको छ ।

ऊर्जा, जलस्रोत तथा सिंचाई मन्त्रालयले आइतबार काठमाडौंमा पत्रकार सम्मेलन गरी सिक्टा सिंचाई आयोजनाको मुल नहरमा देखिएको समस्याका सम्बन्धमा छानबिन गर्न गठित समितिले आफ्नो प्रतिवेदन सरकारलाई बुझाएको जानकारी गराएको हो ।

मन्त्रालयका सहसचिव सुशीलचन्द्र तिवारीको नेतृत्वमा गठित छानबिन समितिले स्थलगत अवलोकन गरी त्यस सिंचाईको समस्याका सम्बन्धमा छानबिन गरेको प्रतिवेदनमा ठेकेदारको कमजोरीका कारण समस्या देखिएको औंल्याइएको छ ।

ठेक्का सम्झौंता अनुसार काम नहुँदा त्यो समस्या आएको प्रतिवेदनले देखाएको उर्जा, जलस्रोत तथा सिंचाई मन्त्रालयका सचिव संजय शर्माले जानकारी दिनुभयो । प्रतिवेदनमा आयोजनाको नहरमा आएको समस्या घुलनशील माटोका कारण भएको औंल्याउँदै त्यसमा तत्काल सुधारको प्रयोस थाल्न पनि सरकारलाई सचेत गराइएको छ ।

प्रतिवेदनले निर्माणको जिम्मा लिएको व्यवस्थापन पक्षले सम्झौंता अनुसार काम नगरेको पनि स्पष्ट पारेको छ । त्यसैगरी गएको केही वर्षदेखि चुरेबाट बग्ने खोलाहरुमा हुने सेडिमेन्ट डिपोजिशनको उचित उत्खनन्, व्यवस्थापन तथा उपयोगमा बन्देज हुँदा पनि खोलाहरुको सतह बढ्न गई त्यस नहरमा क्षेति पु¥याउने गरेको उल्लेख गरिएको छ ।
सचिव शर्माले प्रतिवेदनले आयोजनामा देखिएको प्राविधिक तथा व्यवस्थापकीय समस्याको तत्काल समाधान गर्न पनि सरकारलाई सुझाव दिएको जानकारी दिनुभयो । सिक्टा नहर तथा नहर संरचनाबाट शीघ्र सिँचाई सेवा उपलब्ध गराउने कार्यमा ढिलाई गर्न नहुने पनि प्रतिवेदनले औंल्याएको छ ।

राष्ट्रिय गौरवको यो आयोजनाको मुल नहर निर्माण सम्पन्न नहुँदै भत्किन थालेपछि सरकारले सो समस्या समाधानका लागि सहसचिव तिवारी नेतृत्वको छानबिन समिति गठन गरेको थियो ।

अन्तिम अपडेट: फागुन २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सिक्टा सिंचाई आयोजनाको समस्या समाधान सम्बन्धी प्रतिवेदन सार्वजनिक

फाइल तस्बिर

तपाईको प्रतिक्रिया