गुल्मीको मुसिकोटमा मह उत्सव

वैशाख ५, २०८० मंगलबार १७:१९:२५ | जनार्दन घिमिरे

गुल्मी – गुल्मीको मुसिकोट नगरपालिकामा मह उत्सव मनाइएको छ । मुसिकोट नगरपालिकाअन्तर्गत वडा नम्बर ८ र ९ मा रहेको सालिमे स्मार्ट कृषि गाउँ मौरी पकेट समूहको आयोजनामा मह उत्सव कार्यक्रमको आयोजना गरिएको हो ।

कृषि ज्ञान केन्द्र गुल्मीको सहयोगमा मुसिकोटमा मौरी स्मार्ट गाउँ कार्यक्रम लागू भएपछि त्यहाँका ५० घरपरिवार किसान व्यावसायिक मौरीपालनमा आकर्षित बनेका हुन् । तीन वर्षअघि मौरी स्मार्ट कार्यक्रम लागू भएपछि यहाँका किसानले व्यावसायिक रूपमा मौरीपालन गर्दै आइरहेका छन् ।

मौरीपालन व्यावसायलाई आधुनिकीकरणसँगै महलाई विविधीकरण गरी त्यसको व्यवसायीकरण प्रवर्धन गर्दै गुल्मीलाई महमा आत्मनिर्भर बनाउने उद्देश्यले पहिलो पटक मह उत्सव गरिएको सालिमे स्मार्ट कृषि गाउँ कार्यक्रमका अध्यक्ष चुमा घर्तिमगरले बताउनुभयो ।

सालिमे मौरी स्मार्ट गाउँ कार्यक्रमका लागि कृषि ज्ञान केन्द्रमार्फत चार वर्षको अवधिमा एक करोड २५ लाख रुपैयाँ अनुदान उपलब्ध गराउने कार्यक्रम रहेको कृषि ज्ञान केन्द्र गुल्मीका प्रमुख नवराज भण्डारीले जानकारी दिनुभयाे । सालिमे मौरी स्मार्ट समूहले पहिलो वर्षलाई आधार वर्ष, दोस्रो वर्षलाई मह वृद्धि वर्ष, तेस्रो वर्षलाई मह उत्सव र चौथो वर्षलाई मह निर्यात वर्षको रूपमा व्यवस्थित कार्ययोजना तय गरेको छ ।

कार्यक्रममा प्रदेश सभा सदश्य डिल्लीराज भुसाल, जिल्ला समन्वय समिति प्रमुख दोर्ण खत्री, मुसिकोट नगरपालिकाका पूर्वमेयर सोमनाथ सापकोटा, नगरपालिकाकी उपमेयर गंगा श्रेष्ठ, प्रमुख प्रशासकीय अधिकृत विनोद कुँवरलगायतले मुसिकोटलाई मह पर्यटकीय स्थलको रूपमा विकास गनुपर्नेमा जोड दिनुभयाे ।

मह उत्सवमा उत्पादित अर्गानिक मह र मह उत्पादनमा प्रयोग गरिने आवश्यक सामग्रीको प्रदर्शनी गर्नुका साथै समूहद्वारा प्रकाशित २०८० सालको क्यालेन्डर विमोचन गरिएको थियो । कार्यक्रममा सहभागीहरूलाई महको सर्वत, महको चिया र महको खाजा खुवाइएको थियो ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्